Categories: پاکستان

بلوچستان پرزرداري اور مشرف کي پاليسيوں ميں فرق نہيں،مولانا سميع الحق

کوئٹہ(جنگ نیوز) دفاع پاکستان کونسل کے زيراہتمام اظہار يکجہتي بلوچستان کل جماعتي کانفرنس جاري ہے، کونسل کے سربراہ مولانا سميع الحق نے کہا ہے کہ بلوچستان کے لوگوں کے لئے پرويز مشرف اور آصف زرداري کي پاليسيوں ميں کوئي فرق نہيں، تاہم ہم اہل بلوچستان کو يقين دلاتے ہيں کہ ان کے مسائل کے حل کے حوالے سے ملک بھر کے عوام ان کے ساتھ ہيں.
دفاع پاکستان کونسل کے زيراہتمام اظہار يکجہتي بلوچستان کل جماعتي کانفرنس آج دوپہر کو کونسل کے سربراہ مولانا سميع الحق کي زيرصدارت مقامي ريسٹورنٹ ميں شروع ہوئي، کانفرنس کے آغاز پر افتتاحي کلمات ميں مولانا سميع الحق نے کہا کہ موجودہ حکمران بلوچستان کے حقوق دينے ميں بري طرح ناکام ہے.
ان کا کہنا تھا کہ ہم صوبہ کے عوام کے زخموں پر مرہم رکھنے کے ساتھ ساتھ انہيں زخم دينے والوں کي نشاندہي بھي کريں گے .
ان کا يہ بھي کہنا تھا کہ بلوچستان کے عوام کے مسائل محض کميٹيوں اور پيکيجز اور معافي مانگنے سے حل نہيں ہوں گے، صوبے ميں صوبائي خودمختاري کو يقيني بنايا جائے اور يہاں کے عوام کو ان کا جائز حق ديا جانا چاہئے،وہ صوبے کے عوام کو يقين دلاتے ہيں کہ ملک بھر کے عوام ان کے ساتھ ہيں.
بلوچستان کے مسئلے پر امريکي کانگريس کي قرارداد کے حوالے سے ان کا کہنا تھا کہ يہ قرارداد ہماري خودمختاري اور آزادي پر حملہ ہے، کل جماعتي کانفرنس کے مقاصد کے حوالے سے انہوں نے کہا کہ آج کي کل جماعتي کانفرنس کاايک مقصد امريکہ، بھارت اور اسرائيل کوصوبے ميں نيا کھيل کھيلنے سے روکنا بھي ہے، کيوں کہ امريکہ افغانستان سے فرار ہوتے ہوئے پاکستان کو توڑنے کي گھناوني سازش کررہا ہے.

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago