Categories: پاکستان

حکومت اور فوج کےدرمیان معاہدہ طے

اسلام آباد(خبرايجنسياں) پاکستان میں سیاسی قائدین اور فوج کے درمیان تناﺅ کی شدت میں کمی آنا شروع ہوگئی ہے اور لگتا ہے کہ دونوں فریقین کے درمیان کوئی معاہدہ طے پاگیا ہے۔
یہ بات عالمی میڈیا کی مختلف رپورٹس میں سامنے آئیں۔
اس حوالے سے امریکی روزنامے نیویارک ٹائمز کا کہنا ہے کہ پاکستانی وزیراعظم نے اب فوجی قیادت کے ساتھ تناﺅ میں کمی لانے کی کوششیں شروع کرتے ہوئے کہا ہے کہ ملک مزید طاقتور اداروں کے درمیان تصادم کا متحمل نہیں ہوسکتا۔
اخبار نے بھی وزیراعظم کے اس نرم بیان کو منگل کی شب آرمی چیف سے ہونے والی ملاقات کا نتیجہ قرار دیتے ہوئے کہا کہ یہ غیر معمولی ملاقات دونوں فریقین کے درمیان تناﺅ میں کمی کا اشارہ ہے۔
اخبار کے مطابق 2 ہفتے قبل پاکستان میں فوجی بغاوت کی افواہیں عام تھیں اور دونوں فریقین کی جانب سے ایک دوسرے کے خلاف انتہائی سخت بیانات سامنے آرہے تھے، اور فوجی قیادت کے کیس پر بیانات جمع کرانے کو وزیراعظم کی جانب سے غیر آئینی قرار دینے پر سنگین نتائج کے انتباہ کے بعد صدر نے مصالحتی کوششیں شروع کرتے ہوئے آرمی چیف سے ملاقات کی، جس کے بعد وزیراعظم کے بدھ کے بیان سے عندیہ ملتا ہے کہ چہرے بچانے کا کوئی معاہدہ طے پاگیا ہے۔
اخبار کے مطابق صورتحال میں بہتری آنے کی ایک وجہ میمو اسکینڈل کے مرکزی کردار منصور اعجاز کا پاکستان نہ پہنچنا بھی ہے، جس کی وجہ سے اس بڑے تنازعے کی تحقیقات تعطل کا شکار ہوگئی ہیں۔
نیویارک ٹائمز کا کہنا ہے کہ 9 فروری کو پیشی کا آخری موقع دینے کے بعد پاکستانی میڈیا نے بھی منصور اعجاز کی ساکھ پر سوالات اٹھانا شروع کر دیئے ہیں۔
اس کا مزید کہنا ہے کہ وزیراعظم نے فوج اور حکومت کے درمیان بداعتماد کا ذمہ دار سابق سیکرٹری دفاع نعیم خالد لودھی کو قرار دے دیا ہے جنھیں 11 جنوری کو برطرف کر دیا گیا ھتا۔
اب حکومت کے لئے سب سے بڑا چیلینج یکم فروری کو وزیراعظم کے خلاف توہین عدالت کیس کی سپریم کورٹ میں سماعت ہے، یہ وہ کیس ہے جو صدر اور وزیراعظم کی روانگی کا سبب بن سکتا ہے۔
امریکی اخبار واشنگٹن پوسٹ کے مطابق پاکستانی وزیراعظم نے طاقت ور فوجی جنرلوں کے خلاف اپنی تنقید کو کم کیا ہے۔
اخبار کے مطابق گزشتہ کئی ماہ سے دونوں فریقین میں واشنگٹن کو لکھے گئے خفیہ میمو کے باعث شدید تناﺅ پیدا ہو گیا تھا، جس کے بعد پیدا ہونے والے سیاسی چیلینجز سے حکومت کے لئے کئی مسائل پیدا ہوگئے تھے۔
میمو تنازعے پر فوج نے بغاوت کے امکانات کو مسترد کرتے ہوئے اس معاملے کو حکومتی توقعات کے برخلاف سپریم کورٹ میں تحقیقات کے لئے بھیجا، جس کے بعد وزیراعظم اور فوج کے درمیان الفاظ کی جنگ شروع ہوگئی، جسے اب یوسف رضا گیلانی کم کرنے کی کوشش کررہے ہیں۔
ان کے الفاظ اس وقت سامنے آئے جب ان کی ایک روز قبل آرمی چیف جنرل اشفاق پرویز کیانی اور آئی ایس آئی سربراہ لیفٹننٹ جنرل احمد شجاع پاشا سے ملاقات ہوئی، جس سے صورتحال میں بہتری آنے کا شارہ ملا۔
اخبار کا تجزیہ کاروں کے حوالے سے مزید کہنا ہے کہ فوج براہ راست حکومت پر چڑھائی کرنے کی بجائے سپریم کورٹ کے ساتھ مل کر کام کر رہی ہے تاکہ حکومت کو آئینی طریقے سے ختم کیا جاسکے۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago