دین اسلام کو سب سے اچھا مذہب سمجھ کر قبول کیا، محمد یوسف

حیدرآباد (جنگ نیوز) سابق ٹیسٹ کرکٹر عالمی شہرت یافتہ بلے باز محمد یوسف 15روزہ تبلیغی دورے پر حیدرآباد پہنچ گئے۔
شہریوں کی بڑی تعداد ان کی ایک جھلک دیکھنے آزاد میدان مسجد ہیرآباد میں موجود تھی۔ تاہم کرکٹ شائقین کو اس وقت سخت مایوسی کا سامنا پڑا جب محمد یوسف نے ملاقات سے معذرت کر لی۔ ان کا کہنا تھا کہ ان کا یہ دورہ خالصتاً تبلیغی ہے۔ انہوں نے میڈیا سے بات کرنے سے بھی اجتناب برتا۔
محمد یوسف نے آزاد میدان مسجد میں بعد نماز عصر تا عشاءدرس دیا اور صرف اسلام کے بارے میں ہی عوام کے سوالات کے جوابات دئیے۔
انہوں نے کہا کہ میں نے دین اسلام کو سب سے اچھا مذہب سمجھ کر ہی قبول کیا ہے۔ تبیلغ دین اور اسلام کی تعلیمات کو اجاگر کرنا ہر مسلمان کا فرض ہے اور جوکلمہ طیبہ سے مستفید ہوچکے ہیں ان پر لازم ہے کہ وہ عوام میں جاکر تبلیغ کریں۔