Categories: مشرق وسطی

فلسطین کے لیے مکمل رکنیت کی درخواست

فلسطنی صدر محمود عباس نے ایک خطاب میں تصدیق کر دی ہے کہ وہ آئندہ ہفتے اقوامِ متحدہ سے درخواست کریں گے فلسطین کو ادارے کی مکمل رکنیت دی جائے۔
رملہ میں ایک تقریر میں انھوں نے کہا کہ انیس سو سڑسٹھ کی حدود کے اندر فلسطینی ریاست کے لیے سکیورٹی کونسل میں درخواست دیں گے۔اس ریاست کا دارالحکومت مشرقی یروشلم ہوگا۔
امریکہ فلسطینیوں کے اس اقدام کے خلاف ہے اور اس نے کہا ہے کہ وہ اقوامِ متحدہ میں ایسے کسی بھی اقدام کو ویٹو کر دے گا۔
فلسطین نے جس ریاست کے نقوش کو اقوامِ متحدہ میں لے جانے کا فیصلہ ہے اس میں غربِ اردن، غزہ اور مشرقی یروشلم شامل ہیں۔
اسرائیل نے بھی فلسطینی ریاست کا مسئلہ اقوامِ متحدہ کی جنرل اسمبلی میں لے جانے کی مخالفت کرتے ہوئے سنگین نتائج کی دھمکی دی ہے۔
ادھر بڑھتی ہوئی کشیدگی کی اس فضا میں جمعہ کو غربِ اردن میں اسرائیلی فوج اور سینکڑوں فلسطینیوں کے درمیان جھڑپیں ہوئیں۔
غربِ اردن میں بی بی سی کے نامہ نگار جان ڈونیسن کا کہنا ہے کہ اقوامِ متحدہ میں محمود عباس کی حکمتِ عملی کیا ہوگی اس بارے میں میں سب لوگ صرف اندازے ہی لگا رہے ہیں۔
ادھر امریکہ نے آئندہ ہفتے فلسطین کو اقوامِ متحدہ کی مکمل رکنیت کی درخواست دینے سے روکنے کے لیے کوششیں مزید تیز کر دی ہیں۔
امریکی وزیرِ خارجہ ہلری کلنٹن نے امریکی شہر سان فرانسیسکو میں ایک پریس کانفرنس میں کہا ہے کہ سرحد اور سکیورٹی جیسے سنجیدہ مسائل کا حل اقوامِ متحدہ کی مکمل رکنیت کی منظوری نہیں ہے بلکہ فلسطین کو بات چیت کا راستہ اپنانا چاہیے اور یہی فریقین کی بھی مشترکہ رائے ہے۔
واضح رہے کہ رواں سال جون میں غربِ اردن پر حکمران فلسطینی اتھارٹی نے باقاعدہ طور پر اقوام متحدہ کی مکمل رکنیت حاصل کرنے کا اعلان کیا تھا اور اس بات کا اظہار کیا تھا کہ اسرائیلی زیر انتظام علاقے میں اسرائیل کے ساتھ بات چیت سے اب تک کوئی مثبت نتیجہ نہیں برآمد ہوا اور اب ضروری ہے کہ اقوام متحدہ فلسطین کو ایک آزاد اور خود مختار ریاست کا درجہ دے۔
بی بی سی کے نامہ نگار برائے اقوام متحدہ کے بقول واشنگٹن کی پوری کوشش ہے کہ اسے فلسطین کی اقوامِ متحدہ کی مکمل رکنیت کی درخواست کو ویٹو یا مخالفت نہ کرنا پڑے کیونکہ ایسا کرنے سے امریکہ کے مسلمان دنیا سے تعلقات خراب ہونے کا خدشہ ہے۔
اگرچہ امریکہ بات چیت کے ذریعے دو علیحدہ ریاستوں کے قیام کے حق میں ہے لیکن پچھلے سال اسرائیل کی جانب سے مشرقی یروشلم میں یہودی بستیوں میں توسیع جاری رکھنے کے فیصلے کی وجہ سے اسرائیل اور فلسطین کے درمیان مذاکرات نتیجہ خیز ثابت نہیں ہو سکے تھے۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago