Categories: پاکستان

شمالی وزیرستان میں ڈرون حملہ‘25 افراد شہید

میران شاہ (جسارت) شمالی وزیرستان کی تحصیل میران شاہ میں امریکی جاسوس طیارے کے ڈرون حملے میں حقانی نیٹ ورک سے تعلق رکھنے والے 16 افغان عسکریت پسندوں سمیت 25 افراد ہلاک جبکہ 8 زخمی ہوگئے۔
غیرملکی خبررساں ادارے کے دعوے کے مطابق جاسوس طیارے نے افغانستان کی سرحد کے قریب شمالی وزیرستان کی تحصیل میران شاہ سے 2 کلومیٹر کے فاصلے پر واقعہ خارونی گاؤں میں حقانی نیٹ ورک کے زیراستعمال ایک کمپاؤنڈ کو نشانہ بنایا۔ امریکی جاسوس طیارے نے 2 میزائل داغے جس سے ایک مکان اور گاڑی تباہ ہوگئے۔
غیر ملکی خبر رساں ادارے کے دعوے کے مطابق امریکی جاسوس طیارے کی جانب سے جب کمپاؤنڈ کو نشانہ بنایا گیا تو اس وقت اس میں موجود افراد سحری کررہے تھے۔ حملے کی سرکاری سطح تصدیق نہیں ہوسکی۔غیر ملکی میڈیا کے مطابق امریکی ڈرون حملے میں حقانی نیٹ ورک سے تعلق رکھنے والے 16 افغان عسکریت پسند مارے گئے جبکہ دیگر مرنے والوں میں ازبک، عرب اور پاکستانی جنگجو بھی شامل ہیں۔ حملے میں کمپاؤنڈ اور گاڑی مکمل طورپر تباہ ہوگئی جبکہ اس حملے میں 8 افراد زخمی بھی ہوئے جن کے بارے میں اطلاعات ہیں کہ انہیں میران شاہ کے ہسپتال میں داخل کرایا گیا ہے۔
ادھر حملے کے بعد کسی بھی قبائلی کو جائے وقوع پر نہیں جانے دیا گیا۔ امدادی کارروائیوں کے دوران مکان کے ملبے سے متعدد افراد کی کی لاشیں نکالی جاچکی ہیں حملے کے بعد بھی علاقے میں امریکی جاسوس طیاروں کی پروازیں جاری رہیں جس کے باعث امدادی کاموں میں سخت دشواری کا سامنا کرنا پڑا اورمکینوں میں سخت خوف وہراس پھیل گیا۔
واضح رہے کہ امریکی اور افغان حکام اکثر وبیشتر حقانی نیٹ ورک پر یہ الزامات عائد کرتے رہے ہیں کہ وہ سرحدپار امریکی و ناٹو فورسز پر حملوں کی منصوبہ بندی کرتے ہیں۔

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago