Categories: افغانستان

افغانستان:18 آئل ٹینکرنذرآتش،13امریکی ٹینک تباہ، متعددہلاک وزخمی

کابل(ایجنسیاں) گزشتہ چوبیس گھنٹوں کے دوران افغانستان کے مختلف اضلاع میں 13امریکی ٹینک راکٹ حملوں اوربارودی سرنگ کے دھماکوں سے تباہ ہوگئے جن میں سوار فوجی ہلاک وزخمی ہوگئے۔

طالبان ذرائع کے مطابق صوبہ روزگان کے صدرمقام ترینکوٹ کے ایئرپورٹ پر راکٹ حملے میں اٹھارہ آئل ٹینکرنذر آتش ہوگئے، متعدد آسٹریلوی فوجیوں کی ہلاکت وزخمی ہونے کی بھی اطلاعات ہیں البتہ ان کی صحیح تعداد کی رپورٹ منظرعام پر نہیں آئی ہے۔
دوسری جانب صوبہ قندھار، لوگر اور ہلمند کے بعض اضلاع میں بارودی سرنگ کے دھماکے اور راکٹ حملوں میں کم از کم تیرہ امریکی بکتربند ٹینک تباہ ہوگئے۔
طالبان ترجمان قاری یوسف احمدی کے مطابق ہلمند کے سرحدی علاقہ “بہرامچہ” میں تین دنوں کے دوران سترہ امریکی ٹینک تباہ ہوگئے جو تاحال پڑے ہوئے ہیں۔
طالبان نے صوبہ لوگر کے صدر مقام پل عالم شہر میں تین امریکی ٹینک کو تباہ کرنے کا دعوی کیا ہے جہاں پانچ امریکی ہلاک ہوچکے ہیں۔ بیان میں آتاہے: “جارح فوجی منگل اوربدہ کی درمیانی شب مقامی وقت کےمطابق رات گیارہ بجےصوبائی دارالحکومت پل عالم شہر میں گشت کررہے تھے کہ کولنگار کے علاقےشش قلعہ کےمقام پردشمن کومجاہدین کی کمین گاہ کاسامناہوا اورگھمسان کی لڑائی چھڑگئی،جو ایک گھنٹےتک جاری رہی، جس میں دشمن کےتین ٹینک راکٹوں کی زدمیں آکرتباہ ہونےاورساتھ ہی پانچ قابض فوجی ہلاک جبکہ سات زخمی ہوئے۔ ذرائع کےمطابق دشمن کےجوابی فائرنگ کےنتیجے میں ایک مجاہدشہیدجبکہ دوزخمی ہوئے۔”
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago