Categories: مشرق وسطی

ایران: متنازعہ ٹی وی سیریز پرعلمائے ازہرکے ریمارکس

قاہرہ(الشرق الاوسط/سنی آن لائن) عالم اسلام کے نامور دینی ادارہ ’’جامعۃ الازہر‘‘ مصر کے علماء نے ایران میں نشر کی جانے والی سیریز ’’مختارنامہ‘‘ میں صحابہ کرام رضی اللہ عنہم کی شان میں گستاخی پرافسوس کااظہار کیاہے۔

متنازعہ ٹی وی سیریز ایران کی سرکاری ٹیلی ویژن سے نشرہوتی ہے جس میں صحابہ کرام خاص طور پر حضرت عبداللہ بن الزبیر رضی اللہ عنہم کی شان میں گستاخی کی جاتی ہے۔ یہ سیریز پہلی صدی ہجری کے ایک متنازع مسلح لیڈر مختارثقفی کے بارے میں ہے۔
بین الاقوامی عرب اخبار ’’الشرق الاوسط‘‘ کی رپورٹ کے مطابق جامعہ ازہر کے ترجمان محمد رفاعہ الطہطاوی نے اخبار سے گفتگو کرتے ہوئے کہاہے کہ صحابہ کرام رضی اللہ عنہم اور ازواج مطہرات کی شان میں گستاخی کیخلاف ہیں۔ ’’تقریب مسالک کمیٹی‘‘ کو فرقہ واریت کی راہ بند کرنی چاہیے۔
مجلس تحقیق اسلامی الازہر کے رکن شیخ محمد رافت عثمان نے کہاہے اسلام کے مانے ہوئے احکام میں سے ایک یہ ہے کہ کسی بھی انسان کی توہین حرام ہے چاہے حاضر ہو یاغائب، زندہ ہو یا مردہ۔ ہمیں صحابہ کرام رض کو اپنے اور رسول اللہ علیہ السلام کے درمیان واسطہ سمجھنا چاہیے۔
شیخ محمودعاشور نے بھی صحابہ کرام کی تصویرکشی پر تشویش کا اظہارکرتے ہوئے کہا ہے انبیاء کرام اور عشرہ مبشرہ کی تصویرکشی مجمع فقہی الازہر کے متفقہ فتوے کی رو سے حرام ہے۔
یادرہے اس سے قبل ایران کے ممتاز سنی عالم دین مولانا عبدالحمید نے سرکاری ٹی وی میں اہل سنت کی مقدسات کی توہین کے بڑھتے ہوئے واقعات پر تشویش کااظہار کیاہے۔
بعض ذرائع ابلاغ میں خطیب اہل سنت زاہدان مولانا عبدالحمید کے حوالے سے آیاہے کہ مذکورہ ٹی وی سیریز کا دیکھنا حرام ہے، جبکہ آپ کے دفتر نے بیان جاری کرتے ہوئے اس خبر کی تردید کی ہے جسے سب سے پہلے حکومت کے قریب سمجھے جانے والے قومی اخبار ’’کیہان‘‘ نے بغیر دلیل کے شائع کیاتھا۔
اسی موضوع پر ’’سنی آن لائن‘‘ کی رپورٹ ملاحظہ ہو۔
modiryat urdu

Recent Posts

دارالعلوم مکی زاہدان کے استاد کو رہا کر دیا گیا

مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…

5 months ago

زاہدان میں دو دینی مدارس پر سیکورٹی حملے کے ردعمل میں دارالعلوم زاہدان کے اساتذہ کا بیان

دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…

5 months ago

زاہدان میں دو دینی مدارس پر سکیورٹی فورسز کے حملے میں درجنوں سنی طلبہ گرفتار

سنی‌آنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…

5 months ago

امریکہ کی جانب سے غزہ جنگ بندی کی قرارداد کو ویٹو کرنا ایک “انسانیت سے دشمنی” ہے

شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…

5 months ago

حالیہ غبن ’’حیران کن‘‘ اور ’’مایوس کن‘‘ ہے

شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…

5 months ago

دنیا کی موجودہ صورت حال ایک “نئی جہاں بینی” کی متقاضی ہے

شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…

5 months ago