ایرانی اہل سنت اور بلوچ قوم کا “وہابیت”،علیحدہ پسندی اور فرقہ واریت سے کوئی تعلق نہیں

نیکشہر،بلوچستان(سنی آن لائن)صوبہ سیستان وبلوچستان کے جنوبی شہر”نیکشہر” کے حفاظ کرام کے اعزاز میں منعقد ہونے والی تقریب کے حاضرین سے خطاب کرتے ہوئے سنی رہنما مولاناعبدالحمید نے بلوچ قوم اور ایرانی اہل سنت پر جاری مسلکی و قومی دباؤ کو شدید تنقید کانشانہ بنایا۔ انہوں نے کہا اس امتیازی سلوک کی بنیادی وجہ ایرانی حکام کا جانبدارانہ رویہ اور مسلکی تعصب ہے۔

دوران گفتگو شیخ الاسلام مولانا عبدالحمیدنے بعض عناصر پر شدید نکتہ چینی کی جو ایران کی سنی برادری پر”وہابیت” کا لیبل لگا کر طرح طرح کے بے بنیاد الزامات سے اہل سنت والجماعت کو نوازتے رہتے ہیں۔ انہوں نے کہا وہابیت ایک ایسا لیبل ہے جس کا اہل سنت ایران سے کوئی تعلق نہیں ہے، بعض تنگ نظر اور موقع پرست لوگوں کا وطیرہ یہی ہے کہ سنیوں کے خلاف زہرافشانی کریں۔
انہوں نے مزید کہا بلوچ عوام اور ایران کی سنی برادری اسلام پسند، اتحاد کے داعی اور اپنے وطن سے پیار کرنے والے ہیں، فرقہ پرستی اور علیحدہ پسندی سے کوسوں دور یہ برادری مسلکی تعصب سے پاک مذہبی حکومت کو کسی بھی اور طرز حکومت پر ترجیح دیتی ہے۔
ایرانی اہل سنت کے ممتاز عالم دين نے اپنے خطاب کے دوران کہا ایران کے بلوچ عوام اور سنی برادری کو کئی عشروں سے سردمہری اور مختلف شعبوں میں امتیازی سلوک کا سامنا ہے اور اس مسئلے کی بنیادی وجہ اعلی حکام کا مسلکی تعصب اور جانبداری ہے۔ اب تک سنی برادری نے ان تمام مسائل کو اتحاد اور ملی وحدت کے خاطر برداشت کی ہے۔
مولانا عبدالحمید نے مزیدکہا اب وہ وقت آپہنچاہے کہ حکام ایک مخصوص مسلک سے بالاتر ہوکر پوری قوم کو ایک نظر سے دیکھیں اور بلوچ عوام سمیت اہل سنت والجماعت کو ان کے حقوق دلوائیں۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago