ایران: تہران کے رکن پارلمان کا ام المومنین حضرت عایشہ صدیقہ رضی اللہ عنہا کی شان میں گستاخی

تہران (سنی آن لائن) تہران سے منتخب رکن پارلمان مہدی کوچک زادہ نے ایک پروگرام کے دوران ام المومنین حضرت عایشہ رضی اللہ عنہا کی شان میں گستاخی کی۔

ایک سیاسی پارٹی کے سینئر رکن “علی شکوری راد” سے مناظرے کے دوران رکن پارلمان کوچک زادہ نے پوری دریدہ دلی سے حضرت عائشہ رضی اللہ عنہا (جسے قرآن نے مومنوں کی ماں (ام المومنین) قرار دیا ہے) کی شان میں گستاخانہ الفاظ استعمال کیا اور آپ رضی اللہ عنہا کو منحرف قرار دیا۔
یہ گستاخانہ حرکت اس حال میں ہورہی ہے کہ اس سے پہلے “وطن امروز” نامی جریدے نے اپنی 6 فروری 2010ء کی اشاعت میں ام المومنین حضرت عائشہ رضی اللہ عنہا کی شان میں گستاخی کی گھناؤنی حرکت کا ارتکاب کیا تھا جس پر سنی علمائے کرام اور سنی ارکان پارلمان نے شدید احتجاج کیا۔ اس حوالے سے ایرانی پارلیمنٹ کے سنی بلاک نے وزیر ثقافت ونشریات کو ایک احتجاجی وانتباہی خط بھی لکھا۔
اس کے با وجود “کوچک زادہ” جو خود رکن پارلمان ہے، اہل سنت برادری کے رہ نماؤں اور نمایندوں کے احتجاج کو نظر انداز کرکے مومنوں کی ماں عائشہ رضی اللہ عنہا کی شان میں گستاخی کرتا ہے جو حیرت انگیز بات ہے۔
مسٹر کوچک زادہ اور اس کے ہم خیال لوگوں کو جاننا چاہیے کہ حالات حاضرہ اور اس زمانے کی پارٹیوں اور سیاسی اختلافات کے بارے میں بات کرتے ہوئے ہرگز ان واقعات و اختلافات کو صدر اسلام میں رونما ہونے والے اختلافات سے تشبیہ دینے کی غلطی نہ کریں۔ خاص طور پر صحابہ کرام رضی اللہ عنہم کا تذکرہ درمیان میں لانا بالکل فضول بات اور مردود تشبیہ ہے۔ صحابہ کرام مینار ہدایت ہیں۔ {چہ نسبت خاک را با عالَم پاک}.
“سنی آن لائن” کی ٹیم اس گستاخانہ حرکت کی مذمت کرتے ہوئے حکام سے مطالبہ کرتی ہے ایسے پروگرامز کو بند کردیں جن میں کسی طرح ایک مسلک اور گروہ کی مقدسات کی گستاخی ہوتی ہے اور ان کی نشر ہونے اور اشاعت سے اسلامی اتحاد کو نقصان پہنچتاہے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago