رۆدراتکی بلوچستان ءِ 4 ڈیهاں 5 رۆچ ءِ ته ءَ 27 لاش دزکپتگ انت

رۆدراتکی بلوچستان ءِ 4 دمگاں بارکان، پنجگور، ڈیرہ بگٹی ءُ کلات ءَ 5 رۆچانی ته ءَ 27 لاش دزکپتگ انت.

هالانی رد ءَ 12 لاش ماں بارکان ءَ، 5 لاش ماں پنجگور ءَ، 6 لاش ماں ڈیرہ بگٹی ءَ ءُ سَے لاش شه کلات ءِ ھند چھپر ءَ دزکپتگ ءُ یک لاشے منگچر ءِ ھند ملنگزئی ءَ دزکپتگ انت.

دزکپتگێں لاش ھما مردمانیگ اَنت که شه پیسر ءَ بێگواہ بوتگ اَنت، بندیگجاہ ءَ شه دروگێں میڑ ءَ کشتگ انت.

زانگ به بیت اشی ءَ ساری ھم اے وڑێں وئیل دیم ءَ اَتکگ اَنت که بێگواہ مردم کشتگ اَنت دروگێں مێڑ ءِ نام داتگ انت.

شه جھانی انسانی ھکانی  جھگیر ءَ همے لۆٹ انت که آ بےتوار مه بنت. بلوچستان ءِ کھول شه وتی آزیزاں زبھر بوگ ءَ اَنت، کھول انساپ ءِ ودار انت، اے وێلاں ھوارێں زمه وار جست گرگ به بنت، آ آمیدگس ءَ آرگ ءُ انساپ دیگ به بنت، بلوچستان ءَ زۆرێں بێگواھی، درکانودی کوش ءُ انسانی ھکانی بگیری ھلاس کنگ به بیت.

بنشۆن: رسانکدراں