سیستانءُبلوچستان ءَ گیس نه گواه ایت، بلے گیس ءِ شپکی برجاه انت!

اے رۆچاں که هلاکه گیس ءِ نێستی ءُ گران‌نهادی ءِ آماچ انت ءُ مردماں په گیس سلنڈرے چنکه اداراں سرپانی ته ءَ مامانگ انت، سرهالانی رد ءَ ماں ریمدان ءُ میرجاوه ءِ سیمسر ءَ گیس ءِ شپکی برجاه انت.

وهدےکه اے گنجێں ڈگار شه گیس ءِ داد ءَ سرێج انت، گڑا پچے گیس مه گواه ایت ءُ ماں بازار ءَ نهاد ئی اینکس باز بیت! مردمانی جست همێش انت که اے گیس کجا روت؟

دمگی سرهالانی رد ءَ بازێن مردمے ءِ گیس ءِ بهر بند کنگ بوتگ ءُ آوان لاچار انت په سلنڈرے ءِ پجائێنگ ءَ چنت سر گێشتر زر دےانت.

سراوان ءِ آدێنگ ءِ امام ءَ هم اے جاور ءَ سک اێر جتگ ءُ گوشتگ ئی: ماں ملکے که شه گیس ءَ سررێچ انت، چۆشێں دراجێں سرپاں منگی نه انت.

مردمانی لۆٹ شه سرکار ءُ کارمستراں همێش انت که گۆں اے گپچل ءِ کنۆکاں کانود ءِ رد ءَ ترۆندێں دێم په دێمی ئے بیت.