«سرحدی» ءُ «مکرانی» گالوارانی رۆتگ

مکران ءِ جهمنند پارسی ئێں ٹکّانی پجّیگ ءَ پێش چه میلاد ءِ اولی هزاره ءَ اے دمگ ءَ آتکگ انت، بلے سرحدی بلوچانی لڈءُبار گۆں رندتری باریگان ءُ اشکانی زمانگ ءَ بندۆک انت ءُ آیانی زبانانی همگونگی ءُ سیادی ءِ سوب همێش انت. بنگیجی وانشت (مطالعه) همے شۆندهی ءَ کنت که سرحدی بلوچی گۆں پارتی زبان ءَ ءُ مکرانی بلوچی گۆں باستانی پارسی ءَ نزیکتر انت ءُ سرحدی بلوچی ءِ گالوار ءِ سیادی گۆں گیلکی گالوار ءَ ءُ مکرانی گالوار ءِ همگونگی ءُ سیادی گۆں کُردی ءَ بگند ئے چَمے پارست ءَ به بیت.

ماں بیستون ءِ کتیبه ءَ گال «پت، مات ءُ برات» هما داب ءَ کارمرد بوتگ انت که مرۆچیگێں مکرانی بلوچی ءَ گوشگ بنت. دگر ءَ توری بل (حتی) گالرد هما پتا ـ هما ماتا هم انوگێں بلوچی ءَ همےپێم گوشگ بنت. سرحدی بلوچی ءَ اے گال «پس، ماس ءُ براس» ءِ وڑ ءَ گوشگ بنت که اشکانی پهلوی ءِ سان ءَ آیانی سر ءَ شۆندهی کنت. پرچاکه اشکانیاں «t» ءِ آب ءِ بدل ءَ لهتے جاهاں «س» یا «چ» ءِ آب ءَ کارمرد کتگ.

بنشۆن: تاکبند ردانک. مهر 1403/ اکتوبر 2024