ڈاکٹر ماہ رنگ بلوچ ءُ سبگت اللہ شاہ جی امرکید ءِ سزا دیگ بوتگ

شال ءَ ناشرکاری ءِ گر ءُ داریں آمیدگس ءَ گوادر ءَ راجی مچی کیس ءَ بلوچ یکجھتی کمیٹیءِ سروک ڈاکٹر ماہ رنگ بلوچ ءُ  سبگت اللہ شاہ جی امر کید ءِ سزا داتگ اَنت۔
وکیل ءِ رد ءَ  بی ایس او ءِ چیئرمین بالاچ کادر ءُ بی ایس او ءِ بنجاھی سروک ابوبکر کلانچی ھم امر کید ءِ سزا ءَ نامینگ بوتگ اَنت بلے انگت ءَ آیانی پیسلہ نہ بوتگ۔ 
آمیدگس ءِ پیسلہ ءِ رد ءَ 2025 ءَ گودار مچی ءِ میان ءَ چہ مردمانی سنگ جنگ ءَ ایپ سی ءِ شبیر بلوچ نامیں کارمندے مرگ ءِ پژدر ءَ کنگ بوتگ۔
بی وائی سی ءِ سروک ڈاکٹر ماہ رنگ بلوچ، سبگت اللہ شاہ جی، بیبگر بلوچ، گلزادی بلوچ ءُ بیبو بلوچ پاری مارچ ءَ چہ شال ءَ تھری ایم پی او ءِ رد ءَ پولیس ءَ دزگیر کرتگ اَت ءُ پد ءَ 11 اکتوبر ءَ ھدہ زندان ءَ دیم دیگ بوتگ اَنت۔ 13 جون ءَ ھدہ زندانءَ آیانی کیس ءِ پیس لیس کاروائی بندات کنگ بوتگ۔
پیس لیس کاروائی ءِ بگیری ءَ بی وائی سی ءِ سروک زندان ءَ زھرشانی ءَ نشتگ اَنت ءُ بی وائی سی ءِ نیمگ ءَ سے روچی رسانکدری مھمے ھم برجم دارگ بوتگ اَت۔بی وائی سی ءِ سروکانی پیس لیس کاروائی ءِ بگیری ءَ وکیلاں ھم زھرشانی کرتگ اَت۔
بنشون: زرمبش بلوچی
🏝🏝🏝