دارالعلوم زاهدان ءِ قرآن مجید ءِ ترجمه ءُ تفسیر ءِ شانزدمی دوره ءِ بنگێجی مراگش برجم دارگ بوت

دارالعلوم زاهدان ءِ قرآن مجید ءِ ترجمه ءُ تفسیر ءِ شانزدمی دوره ءِ بنگێجی مراگش مرۆچی چارشمبی ءَ (27 خرداد 1405/17 جون 2026) ماں مزنێں مسیت مکی ءَ برجم دارگ بوت.

🔸ماں اے مراگش ءَ شیخ‌الاسلام مولانا عبدالحمید ءَ قرآن مجید ءِ جاگه، قرآن ءِ وانگ، آئی پاگپانی سر ءَ سسا ءُ تدبر کنگ ءِ باروا گپ کرت ءُ کڈن ئی کرت که وڑوڑێں مردماں قرآن ءَ دلگۆش کن انت، قرآن ءَ یات گر انت ءُ قرآنی دۆدۆربێدگ ماں چاگرد ءَ شنگ ءُ تالاں بیت.

🔸دارالعلوم زاهدان ءِ قرآن مجید ءِ ترجمه ءُ تفسیر ءِ دوره ءِ برجم دارۆک مولانا عبدالغنی بدری، تفسیر ءُ حدیث ءِ زبردستێں استاذ انت که اے دوره شه وڑوڑێں مردمانی نێمگ ءَ سک وش آتک بیت ءُ علما، طلاب، زانشتجاهی ءُ آدگه پاٹیاں شه ملک ءِ تهرتهرێں ڈیهاں ماں اے دوره ءَ بهر زور انت.

🔸گوشگی انت که شه گوستگێں سال ءَ که دینی وانگجاهانی تعطیلی لوار/ گرماگ ءَ انت، دارالعلوم زاهدان ءِ ترجمه ءُ تفسیر ءِ دوره هم همے مۆسم ءَ برجم دارگ بیت تاں زانشتجاهی ءُ زانت‌لۆٹاں هم اے وار ءَ په قرآن ءِ دربرگ ءَ کارمرز کن انت.