پیرمحمد ملازهی ءِ دیدانک رۆاێرشتی بلوچستان ءِ اڑ ءُ جنجال ءُ پدمنتگیانی باروا

ـ یک تاریخی اێوکی ءُ دور کپتگی ءُ گستا چه اے علاقهاں که تنے وهدی انگت هم اے گستائی دور نه بوتگ؛

ـ هکومتانی بدێں نگاه که چه قاجار ءِ وهد ءَ تاں رۆچ مرۆچی هم یک پێم انت؛

ـ مئے وتی مهلوک ءِ بدێں سِتک که مدم قسمت ءُ تقدیر ءِ منۆک انت که «هرچه پیش آمد خوش آمد» رزا دنت؛

ـ مئی وتی نز ءَ سرمایه نه بوگ یا کمی بوگ ءِ نزوری که چه ڈن ءَ «خصوصی بخش» ءِ سرمایه ءَ آورت کت نه کن اێں. درآمدێں علاقهانی مردم اگاں کاینت همے کمێں سرمایه ءَ پد ءَ در ءَ بر انت؛

ـ استان ءِ واکدار ءُ مدیر سک ناپایدار ءُ مدام لپرزگ انت. آ په ادارکی کاینت ءُ پد ءَ زوت ءُ بنجاه په وت وشترێں جاه ءُ مقامے شوهاز کن انت ءُ رو انت؛

ـ بلوچستان ءِ سیمسرانی موه ءُ فرصت هجبر په شری فهم کنگ نه بنت. مدام سرکار آهان په وت یک بیم ءُ هترے زان انت، همےهاتر ءَ ملک ءَ یک «امنیتی» هساب ءَ چار انت ءُ آئی ءِ دێمروی ءَ مشکل پیداک کن انت؛

ـ استان ءِ بودناکی ءَ ءُ آئی هستێں ارزشاں نه زان انت. آهانی چم نظر ءَ اے یک هشک ءُ هالیگێں دیارے؛

ـ استان ءِ ته ءَ ناامنی ءِ مارشت مدام هست انت؛

ـ استان مدام رادیکالێں گروپانی زد ءَ انت. هم چه سرکار ءِ نێمگ ءَ هم چه مخالفێں گروپانی ته ءَ.

بنشۆن: ردانک، تاک3، اکتوبر 2024