سارتێں گساں ءُ بدتگێں امێتاں

سنی‌آنلاین| هرچۆں که امبرانی سردی دێرتر بنگێج بوتگ، بلێں زاهدان ءِ نندۆکانی سک مشکلانی آماچ کرتگ. پچےکه تێل ءِ نه بوگ، گێس سلنڈر ءِ کمی ءُ گێس کشی ءِ بازێں هرچءُدرچاں په زاهدان ءِ مردماں ٹوهێں گپچلے بوتگ. اے مزن‌مێتگ ءِ مردماں لاچار انت شه سارتی ءُ دگه مشکلانی میان ءَ سارتی ءَ گچێں کن انت، پچےکه تێل ءِ بهر اش بند کنگ بوتگ، گێس سلنڈر هم کم انت ءُ شه دگه نێمگے لێن ءِ بازێں نهاد ءَ هم آوان سک مشکلانی آماچ کرتگ.

چاگردی جهدکاراں ڈاه داتگ که اگاں پرے مشکلاں زوتێں تۆجیلے درگێجگ مه بیت سردی ءِ مۆسم په زاهدان ءِ نندۆکاں رنج ءُ ناجۆڑی ءِ مۆسمَ بیت ءُ سارتێں گساں په گونڈلاں مزنێں بیهارے.

هبر ءِ مجگ اے که زاهدان ءِ زمستان سارتێں گساں، هۆرکێں کیتواں ءُ ردێں سیاستانی تهلێں قصه انت. اے مزن‌مێتگ ءِ مردماں چمءُچاری انت تاں جوانێں تۆجیلے درگێجگ بیت که گرمی ءَ آوانی گسانی ته ءَ بیار ایت.

امێت انت که کامستراں مردمانی توار ءَ بشکن انت ءُ په اے مشکل ءَ زوتێں تۆجیلی درگێج انت.