قوام متحدہ ءِ ھاسیں نمائندگ ءَ گوادر ءِ جاور ھال ءِ سر ءَ دلپدردی درشان کتگ

 پاکستانی سرکار بلوچ راج ءَ را پرایمن زھرشانی ءِ ھک ءَ بہ دنت ءُ بلوچ راج ءِ سر ءَ زوراکی ءَ بند بہ کنت۔

 اقوام متحدہ ءِ انسانی ھکانی رکینگ ءِ ھاسیں نمائندگ میری لالر ءَ بلوچستان ءِ گوادر ءَ بلوچ راجی مچی ءَ انسانی ھکانی جھدکار ءُ بھر زوروکانی سر ءَ بگیری ءَ زوراکی ءِ درگت ءَ دلپدردی درشان کتگ-

 لالر ءَ وتی شنگ کتگیں درشان ءِ تہ ءَ گْوشتگ کہ دمگ ءَ پُرایمیں دروشم ءَ انسانی ھکانی بھر ءُ بانگ ءِ جُھد کنکیں لَٹ کُٹانی دیمیانی رپورٹانی سر ءَ چمشانک داتگ-

آئی ءَ اے گپ ءِ سر ءَ زور پر داتگ کہ پاکستانی سرکار ءِ ذمہ واری اِنت کہ آ انسانی ھکانی ھاتر ءَ پُرایمنیں زھرشانی کنوکیں مردمانی ھکاں برجاہ بہ دار اِیت لالر پاکستان ءِ واکدار جنیوا گوں دلگوش گور کتگ گْوشتگ کہ کہ آ پاکستان سرکار ءَ زور بدنت کہ اکوام متھدہ ءَ کتگیں انسانی ھکانی رکینگ ءِ کولانی سر ءَ کار بکنت-

لاولر ءَ درشان ءِ تہ ءَ گوادر ءَ گیش بوھوکیں جنجال ءُ زوراکیانی میان ءَ  پاکستانی لشکر ءِ نیمگ ءَ بلوچ یکجھتی کمیٹی ءِ راجی مچی ءِ سر ءَ اُرش ءُ مچی ءِ بھر زوروکیں مردمانی مزنیں کچے ءَ دزگیر کنگ ءِ ھال سر بوتگ۔

گوادر ءَ راجی مچی ءَ بھر زیروکیں بلوچانی سر ء زوراکی ءِ میان اُستمانی انسانی ھکانی گلانی تہ ءَ بژن درشان کتگ ءُ اے گلاں اے وئیل سک ایر جتگ ءُ چہ سرکار ءَ لوٹ کتگ کہ بلوچ زھرشانی کنوکانی بگیری ءَ تاکت کارمرز کنگ ءَ بند بہ کنت دزگیر ءُ بیگواھیں ھمبلاں زوت یل بہ کن اِت-

زانگ بہ بیت گوستگیں روچ ءَ پاکستانی لشکر ءَ راجی مُچی ءِ سر ءَ اُرش کتگ ءُ تیرگواری ءُ چمّی گیس آس داتگ چریشی ءِ آسر ءَ بازیں مردمے ٹپی بیتگ وھدے کہ بی وائی سی ءِ راھشون شاہ جی ، سمی دین ءُ ڈاکٹر سبیہ آوار جتگ ءُ ناشناسیں جاھے ءَ برتگ اَنت-

دامگ ءِ نہ بوگ ءِ سوب ءَ سرجمیں ھال نیاگ ءَ اَنت-

بنشۆن: آشوب نیوز