ماں چاردمی سرکار ءَ زبهرێں دمگان ءَ «گواچنی ئێں دلگۆشے» بیت/ امارات ءَ یک بلوچ زالبۆلے وزارت ءَ سر بوتگ؛ اے چیز ایران ءَ ھم بوت کنت

سنی‌آنلاین| استانانی مزنێں شورا ءِ جاکش ءَ ماں گپءُتران گۆں ڈاکٹر پزشکیان ءَ گوشت: سیستانءُبلوچستان ءِ باروا شما را سه چیز گوش آں. اولی گپ اێش انت که زبهرێں دمگاں گچێنکاری ءِ وھد ءَ په رأی نزّ آرگ ءَ مدام نام اش گرگ بوتگ، بلے گچێنکاری ءَ پد شمۆشگ بوتگ انت؛ په زبهرێں دمگانی دێمروی ءَ «زبهرێں دمگانی معاونت» فعال بیت ءُ آ دمگاں زبر دلگۆش به انت. تو شه زبهرێں دمگاں گیشترێں رأی ءَ کٹتگ ءُ آوان تئی راستی ءِ رأی داتگ ءُ شه تو امێت دارند که آوان ءَ دلگۆش کن ئے.

فاروق اعظمی ءَ گوشت: دومی گپ اێش انت که وتی سرکار ءِ کارندهان ءَ پاٹی ءُ راج ءَ ابید گچێن به کن ئے، چۆ که شما وعدہ کرتگ. بلوچێں جنێنے امارات ءَ تعلیم ءِ وزارت ءَ سر بوتگ. اے چیز ایران ءَ ھم بوت کنت. ما بلوچ اێں ءُ ایران ءِ بێرک مئے کپن انت، ما مُچّان په ایران ءَ اێں.

سیستانءُبلوچستان ءِ جهگیر ءَ گڈسر ءَ درشان کرت: سێمی گپ اێش انت که جتایی ئے که ماں سیستانءُبلوچستان ءَ هست انت جۆڑ بیت، پچےکه مئے دمگ دگه ھچ وڑێں جتایی ءَ سگّ ات نه کنت. ما پهکان آبادێں سیستانءُبلوچستان ءَ لۆٹ اێں.