پزشکیان ءَ اراده کرتگ تاں فیلترینگ ءِ دور کنگ ءِ رهبند ءَ اسلامی شۆرجاه ءَ پێش کنت

سنی‌آنلاین| اے رۆچاں هالے چر ایت که پزشکیان حکومت ءِ مزنێں کارندهانی رضایت ءِ گرگ ءِ جھد ءَ انت تاں فیلترینگ ءَ دور به کنت ءُ ایرانیانی رهوتی بندشاں ھلاس به کنت.

قرار انت پزشکیان المی اجازت نامه ئانی گرگ ءَ پد اۆلی کارے که ماں وتی سرکار ءَ کنت یک رهبندے را په نام «فیلترینگ ءِ دور کنگ» ءَ اسلامی شۆرجاه ءَ دێم به دنت تاں آیی باروا شۆر به کن انت.

فتح‌الله توسلی، همدان ءِ جهگیر ءَ اے جست ءِ پسو ءَ که اگاں گچێن بوتگێں جمهوری کماش ءِ نێمگ ءَ فیلترینگ ءِ دور کنگ ءِ رهبند پێش کنگ به بیت گڑا جهگیراں آیی ءِ همراہ بنت یا نه؟ آیی گْوشت: «فیلترینگ ءِ نونێں جاور ءَ هچ کس نه منّ ایت، پکّا فیلترینگ ءِ نونێں جاور دیم ءَ نه رۆت ءُ ملک ءِ جاور هم بند کنگ نه بیت.»