من مدام جهد کرتگ که شمے ءُ سرکارے دۆزواه به آں

گێش شه سی سال انت که من همدا آں. هرچی که حق ءُ مردمانی خێر ءُ صلاح بوتگ من کرتگ ءُ هرچی که شمے خێر ءُ صلاح بوتگ، شما را هم گوشتگ آں، البت که من نه گوش آں که هرچی من گوشگ آں صدماں‌صد راست انت، پچےکه من هم انسانے آں ءُ انسان جایز الخطا انت، بلێن گۆں وتی همے کمێں علم ءَ جهد کرتگ آں که شما را تهاری ءِ تها مه هل آں ءُ مدام شمے ءُ استمان ءُ تیوگێن مسلمانانی دۆزواه به آں.

همےرنگ منی جهد اے بوتگ که سرکارے دۆزواه به آں. هروهد که شه ذمه‌واراں ردی ءِ دیستگ آں، آوانَ گوشتگ آں. هچبر جهد نه کرتگ آں که حاکمانی ظلم یا ردیانَ نادلگۆش کن آں. اگاں منی گپاں آوانی سر ءَ اثر مه کرتێں گڑا پهکێن سکی ءُ مشکلانَ ماں دل ءَ داشت آں ءُ بےبرمشَ بوت آں.