انچێں نمازے بوان ات که الله ءِ پسند بیت

نماز یک پێلو ئێں علاجے په مسلمانانی سجهێں روحی ناجوڑیاں. نماز شه تیوگێں عبادتاں مهمتر انت ءُ محشر ءِ رۆچ ءَ ائولی سۆج شه نماز ءَ بیت. الله پاک درّائێنیت: نماز شما را منع کنت شه بےحیائی ءُ بدێں کاران.

آ نمازے که شما را شه بدی، بےحیائی، مردم آزاری ءُ مردمانی مالانی ورگ ءَ مکن مه کنت، معلوم بیت که الله ءِ پسند نه بوتگ. باید نماز روح ءُ معنویت داشته بیت ءُ نمازوانۆک زانت که گۆں کے دل ءُ رازَ کنت.

نماز ءِ تیوگێں ارکانانَ چۆ پاکی، دست‌نماز، اۆشتاتن، رکوع، سجده ءُ قرائت ءَ په جوانی کنت. خشوع ءُ نمازے هیالداری ءَ به کنت. نمازے که انسان ءِ هۆش ءُ هواس جمع مه بیت ءُ په نامءُ نمود ءُ هررۆچ ءِ داب ءَ بوان ایت چوناهی ءَ چۆ اێشی ءَ انت که پشت به قبله نمازِ ونتگ ءُ چشێں نمازے نه تهنا ثواب نه دار ایت، بلکه په نمازوانۆک ءَ عذابے بیت ءُ چۆ کهنگێں سیاهێں پُچّے نمازوانۆکے سر ءَ جتگَ بیت.

پمێشا مرۆچی گند اێں که بازێں مردمے نمازَ وان انت، بلێں انگت جرم، جنایت، هُول، مۆک، حرام‌واری، امبۆ، بِنڈ ءُ بازێں دگه بدێں کارَ کن انت، پچےکه نه زانتگ اش که نماز چے ئے ءُ شه آوان چےَ لۆٹ ایت.