مولانا عبدالحمید ماں نمدے په اۆگانستان ءِ امارت اسلامی ءِ سرۆک ءَ، په جنکّانی وانگجاهانی پچ کنگ ءَ سکّ سۆگه کرت

سنی‌آنلاین| شیخ‌الاسلام مولانا عبدالحمید ماں نمدے په اۆگانستان ءِ امارت اسلامی ءِ سرۆک ءَ گۆں اشاره به اسلامی شریعت ءِ سکّێں سۆگه ئاں په علم ءُ زانتے دربرگ ءَ په جنێں ءُ مردێناں، هردواں، شه امارت اسلامی ءِ سرۆک ءَ لۆٹ ات ئِے که په جنکانی برزی وانگجاهانی پچ کنگ ءَ زوتێں چارگے گند انت.

🔸په سنی‌آنلاین ءِ سرهال ءَ ماں یک بهرے شه اے نمد ءَ آتگ: «ماں دنیا ءِ نۆکێں جاور ءَ علم ءِ دربرگ په جنێں ءُ مردێناں باز هژدری انت ءُ ماں اسلامی شریعت ءَ ـ هماپێم که وتَ زان ات ـ علم ءُ زانت ءِ دربرگ په مردێں ءُ جنێناں یک کساس ءَ سۆگه بوتگ.»

🔸مولانا عبدالحمید وتی نمدے دێمتر ءَ به جنکانی وانگجاهانی بند کنگ ءِ نقصاناں ماں اۆگانستان ءَ اشاره کرت ءُ گۆں اے پیشنهاد ءَ که اے بابت ءَ زوتێں چارگے گندگ بیت، سک سۆگه ئِے کرت که جنکانی وانگجاهانی پچ کنگ به اۆگانستان ءِ سرکار ءُ استمانے مصلحت ءُ اسلام ءِ مصالحانی رد ءَ انت.