مسلمانانی باروءَ خوشبین بےاِت

مسلمانانی باروءَ وتی دلانءَ پاک کن اِت. هچ کدورت ۆ چرکے دگرانی باروءَ وتی دلے تها مه‌دار اِت. وهدءِ که مسلمانے را گِند اِت که ٹوهێں گناهءَ نه‌کنت ۆ اسلامءِ خلافءَ هم کارءِ نه‌کنت، آیرا شه وت گهتر زانت اِت ۆ آیی باروءَ نێکێن گمان ۆ بێسه داشته بےاِت. اگاں کسءِ را دیست اِت که گناهءَ کنت انگت آیرا جهل ۆ کم مه‌جن اِت ۆ وترا پاک ۆ برز مه‌زان اِت، پچےکه معلوم نه‌اِنت بلکێں په شمے وت‌گِندیءِ سببءَ شمے آسر خراب بیت، بلێن الله تعالی آ گناهکارءَ هدایت ۆ توبه نصیبِ کنت.
هرکسءَ را دیست اِت که به وت خوشبین اِنت ۆ وتی مسلمانێں براسءَ جهل ۆ کمءَ جَنت، زان اِت که جوانێں مردمے نه‌اِنت.