گۆں رسول‌الله صلّی‌الله‌علیه‌وسلمءِ اصحابان دۆستی کن اِت

هماپێم که رسول‌الله صلّی‌الله‌علیه‌وسلمءِ جند، پێغمبران گهترین بوتگ، آیی اصحابانِ مقام و جایگاه هم شه تیوگێں پێغمبران امتان برزتر اِنت. مئے باور اێش اِنت که پێغمبر صلّی‌الله‌علیه‌وسلمءِ پهکێں اصحابان عادل اَنت. ما اهانت ۆ بےادبی به آوانءَ جرمَ زان اێں. آوانءَ اے مستری ۆ جایگاه شه پێغمبرءِ محضرءَ رستگ. آ واجهانءَ پیامبر صلّی‌الله‌علیه‌وسلمءَ اپسله کرتگ ۆ ماں دنیاءَ هچ کسءِ به آ کسءِ جایگاهءَ نه رس ایت که ایمان بیار ایت ۆ یک ساعتءِ واجه رسول‌اللهءِ دیوانءَ نند اِیت. مئے باور اێش اِنت که پێغمبرءِ اصحابان معصوم نه‌اَنت، آ هم ردءَ کن اَنت، بلێں آوانِ ردی شه قصد نه‌اِنت، آوان چشێن ایمانءِ داشتگ که اگاں رد اِش کرتێں زوت پشێمانءَ بوت اَنت، واجه رسول‌الله صلّی‌الله‌علیه‌وسلمءِ دیوانءَ کات اَنت ۆ وتی پشێمانیءَ درشان اِشءَ کرت ۆ شه رسول‌اللهءَ لۆٹ اِت‌اِش که پراوان دعا کنت ۆ شه اللهءَ لۆٹ اِیت که آوانءَ بکشا ایت ۆ گوشت اِش که ما را پاک کن.

بدگوشی به رسول‌الله صلّی‌الله‌علیه‌وسلمءِ اصحابان چوناهیءَ اهانت به رسول‌الله صلّی‌الله‌علیه‌وسلّمءِ جندءَ اِنت، پچےکه ما واجه رسول‌اللهءِ سرا اێرادءَ گر اێں که پچے نتوانتگِ جوانێں اصحاب تربیت کنت.