پنجگور ءَ زمینانی زوگری ءِ ھلاپ ءَ زھرشانی، دگ بند

بلوچستان ءِ دمگ پنجگور ءَ سر بیتگیں ھالانی رد ءَ لس مھلوک ءَ زمینانی زورگری ءِ ھلاپ ءَ وشبود ءِ جھمنندیں مھلوک ءَ زھرشانی کرتگ ءُ سی پیک دگ بند کرتگ.

گیشیں ھالانی رد ءَ دگ ءِ بندی ءِ سبب ءَ ھردوکیں نیمگاں رؤ ءُ آؤکیں گاڑی مھتل بیتگ اَنت ءُ بازیں کچے ءَ گاڑیانی لین اوشتوک اَنت ءَ چریشی ءَ مساپر جنجالانی دیمپان اَنت.

زھرشانی کنوکانی گوشگ اِنت کہ مئے زمیناں زوراک زورانسری گرگ ءُ وتی نام ءَ کنگ ءَ اَنت ءُ ما بے زمین بیگ ءَ اِنت –آیانی گوشگ اِنت گوست ءَ ھم ما زھرشانی کرتگ ءُ بلے کسے ءَ مئے گپ دلگوش نہ کرتگ اَنت ءُ ناکہ انتزامیہ ءَ چوشیں ترندیں گامگیجے زرتگ ءُ چریشی ءَ زورگر گیشتر شیکر بیتگ ءُ مئے زمیناں گرگ ءَ اَنت.

زھرشانی کنوکانی گوشگ اِنت مئے زھرشانی ھما وھد ءَ داں برجاہ مان اِت کہ مارا تچکیں سدکی ءِ دیگ مہ بیت ءُ مئے زمینانی زمہ واری ءَ بہ زور ایت.

زھرشانی کنوکانی گور ءَ تھسلدار پنجگور شتگ آئی ءَ نشتگیں مھلوک ءَ گوں گپ ءُ تران کرتگ بلے آ وتی گپ ءُ تران ءَ بے سوب بیتگ ءُ واتر بیتگ.

سرچمگ: دی بلوچستان پوسٹ