مولانا نظرمحمد دیدگاه وفات کرت

سنی‌آنلاین| مولانا نظرمحمد دیدگاه، شه ایرانے اهل‌سنتان زبردست ۆ نام ءُ تواری اێں پاگواجهان شمبی ئے پێشین ءَ (15 خرداد 1400) 89 سالگی ءَ ماں ایرانشهرے خاتم الأنبیاء نادراهجاها بێران بوت.

🔹 آ خدابیامرزے نماز جنازه مرۆچی یکشمبی ءَ گوں وڑ وڑێں مردمان هوریا ۆ گوں شیخ‌الاسلام مولانا عبدالحمید امامت ءَ ماں ایرانشهر ائیدجاها برجم دارگ بوت.

◽️مولانا نظرمحمد دیدگاه،  ماں سال ۱۳۱۱ شمسی ءَ ماں «ڈمن» شه ایرانشهر مزن مێتگ ءِ هلکان ودی بوت.

🔸مولانا دیدگاه ابید شه علمی ۆ هێلکاری جهدان ۆ دینی وانگجاه ۆ قرآنی مکاتبان جۆڑ کنگ ءَ، ماں ملکاری پڑان هم جهدِ کرتگ ۆ ماں پارلمان ءِ ائولی گَشت ءَ ایرانشهر ۆ سربازِ مردمان جهگیر بوتگ.

🔸مولانا نظرمحمد دیدگاه رحمه‌الله ءِ نام ءُ توار ماں حق‌گوشی ۆ بهادری ۆ دێم‌گوشی ءَ ماں وڑ وڑێں ملکاری ۆ چاگردی بن‌گپان خاص ۆ لس مهلوکان دێما پرشت ات.

اللَّهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ وَأَكْرِمْ نُزُلَهُ وَوَسِّعْ مُدْخَلَهُ… اللَّهُمَّ لَا تَحرِمْنَا أَجرَهُ، وَلَا تفتِنّا بَعدهُ.