ایرانی لشکر ءِ تیرگواری ءَ یک زھگے ماں ایرانشهر ءَ بیران بوت

ایرانشهرِ مزن مێتگے انتظامی واکانِ مستر ءَ منّ اِت که یک زهگے ماں ایرانشهرِ نزیک ءَ گوں آیی لشکرءِ تیرگواری ئے سبب ءَ کشگ بوتگ. اے زهگے نام «میثم نارویی» بوتگ.

په «سنی‌آنلاین» سرهالا به نقل شه «ایرنا» ءِ هالرسانی ءَ، سرهنگ حسن کیخا گوشتگ که (20 اردیبهشت 1400) نێم رۆچے درگت ءَ انتظامی واکان یک ماشین ءِ سرا تیرگواری کرتگ که یک زهگ ۆ جنێنے هم سوار بوتگ اَنت که تیرگواری ءِ سبب ءَ زهگ ٹپی ءَ بیت ۆ ماں نادرهجاها وفاتَ کنت. شه اے پێشامد ءَ پد مھلوک ءَ زھر درشان کرتگ ءُ دگانی سر ءَ زھرشانی کرتگ.

عبید ملک رئیسی، شه ایرانشهر ءِ رسانکی ۆ دۆد ربێدگی جهدکاران ماں ٹوئیتے نبشتگ که «میثم نارویی» 5 سالگ اێں زهگے که کشگ بوت، گوں وتی ماس ءَ شه هلک ءَ په شهر ءَ آتگ تاں په ائید ءَ خرید کن اَنت، بلێں افسوز که ائید اِش عزا بوت.