رۆچگ ۆ رمضانے حق ءَ ادا کن اِت

رمضان ءِ ماها گوں عبادت ءَ گوازێن اێں. تاں وتی وسّے کساسا «سبحان الله» ۆ «لا اله الا الله» گوش اِت ۆ قرآن بوان اِت ۆ باز استغفار کن اِت. پێسرے هلاپِ شرعی اێں کردار ۆ سستیانَ ویل کن اِت تاں الله شما را بکشاییت. قرآن مجید ۆ رۆچگے ماه په آ انسانان که اے دوئێنان قدر ءَ زان اَنت شفاعتَ کن اَنت. بدترین انسان آوان اَنت که رۆچگ ءِ ماها بکشاتگ مه به‌یَنت.

الله پاک ءَ اے ماها را به اے امت ءَ ٹێکی داتگ تاں آوانَ بکشاییت ۆ شه جهندم ءَ رکّێن اِیت.

بازێں رۆچه دارے اَنت که یک مقبول اێں رۆچگے هم ندارنت ۆ ابید شه تُنّگی ۆ گُشنگی ءَ دگه چیزے نه کٹّ اَنت، پچے که اے ماهے قدر ءَ را نه زانتَ اِش ۆ حقے ادایش نه کرتگ ۆ شه بدی ۆ گناهان دست اِش نه زُرتگ. اسلامی احکامان شه شما زحمت ۆ جهدَ لوٹ اَنت تاں دینے محبت شمے دلان تها بَیت. پرێشی واستا دلگۆش کن اِت که شمے اعمالان بےپایدگ مه به‌ینت.