واجه مولانا فضل‌الرحمان کوهی یَے آزادی استانَے درائیں مردمانی واهگ انت

واجه شیخ‌الاسلام مولانا عبدالحمیدا زاهدانَے اهلسنتَے آدینگَے نمازا، گوں اشاره په مولانا فضل‌الرحمان کوهی، سرباز پشامگَے آدینگَے امامَے بندیگ کنگا، ذمه واراں سفارش کُت که انتقاد والایان اوپار بکننت.
و واجه مولانا کوهی و آئیَے همراهانی آزادیا مُلکَے مردمانی واهگ زانت.

اے بابتا واجها گوشت: ما په مولانا فضل‌الرحمان کوهی یَے بند کنگا چه مردمانی نیمگا ایراد گرگ بیتگیں که چیا ساکتیں؟ اے واستا من لهتے گپ کناں.

زاهدنَے سُنیانی آدینگَے اماما گوشت: واجه مولانا فضل‌الرحمان کوهیا مسئله گوں وتی کلّگی زبانا بیان کنتنت، بیت کنت چه گپانی ترندی برداشت کنگ ببیت، البت من مسئولاں دلجم کنگ لوٹاں که مولانا فضل‌الرحمان کوهی گوں گروهکاں، اِشراران و سلاح بندیں پاٹاں هور نهنت و وتی مدام گوشتگ که جیڑه اڈ کنوکے نهنت، هما پیم که وتی جندی ماں مرزانی امنیتا اثرمند بیتگ.

شیخ الاسلاما دیمترا گوشت: واجه مولانا فضل‌الرحمان کوهی هما پیمے که بازینے چه عالماں په دولتا و لهتے سیاستاں کشورَے انتقاد کتگ مسایلے بیان کتگ. مسائلے که واجه کوهی بیان کتگنت هماانت که لهتے عالماں کنگنت اش. البت ما هم گوں مولانا کوهی گپ کتگت که وتی نقداں اصلاح بکن داں اوپار کنگ ببنت.

واجه مولانا عبدالحمیدا دیما گوشت: ما مسئولانی دل پریشانیاں سرپدیں، بلے مئے سفارش اشنت که مسئولاں وتی اوپارا گیشتر بکننت. خیر، برکت و ویکّویی ادا انت که هم مسئولین، ارگاناں، ادارات و دستگاه قضایی و هم اهل‌سنتَے چاگرد و ما، درستانا اوپار بکنیں، چیا که ابید اوپار و سگّگا په وحدتا سر بیت نکنیں.

زاهدانَے سُننیانی آدینگے اماما تاکید کت و گوشتی: مُلکَے درائیں مردمانی واهگ انت که واجه مولانا فضل‌الرحمان کوهی گوں همراهان آزاد کنگ ببنت؛ اے کار په براتی و وحدتا فایدگ انت.