حضرت عثمان “حیا”، “پاکدامنی”، “سخاوت” و “عبادتِ” تھا په گرداں نمونہ انت

واجہ مولانا عبدالغنی بدریا زاھدانِ اھل‌سنتِ 9 شھریور 1397ءِ جمعۂ نمازِ دیوانا گوشت:

🔹مقصد شہ صحابیانی فضیلت ومزن‌شانیِ بیان کرتنا ایش انت کہ آوانی رندگیری کنگ ببیت. پیغمبر صلی‌الله‌علیه‌وسلم ءٰ گوشتگ: منی صحابی چو استارا انت، ھریکے رندگیریا شما بکن ات، ھدایت بت.
🔹یکے چہ واجہِ یاراں حضرت عثمان رضی‌اللہ‌عنہ انت. ھمایی که پہ سخاوت و مزن‌دلیا نامی زبانانی سرا ات.
🔹حضرت عثمان رضی‌اللہ‌عنہ “حیا”، “پاکدامنی”، “سخاوت” و “عبادتِ” تھا په گرداں نمونہ انت. اے واجہ شپاں تا صحبا قرآنِ وانتنا گلائیش ات و ھمے حالتا شھید کنگ بوت.
🔹مسلمان باید اے وش و جوانیں صفاتا وتی زندگی تھا بیار انت کہ اے کار آوانا اللہِ گورا محبوب و دوستناک کنت.
🔹صحابیاں اے مقام و برزیں جاگاہ چہ اللہِ حکمانی منّگ و آیانی رندگیریا رستگ. ما ھں گوں اللہِ حکمانی گرگ و پیغمبر صلی‌الله‌علیه‌وسلم ءِ سیرت و سنتِ رندگیریا نگبہتی و پاکیں زندگیا وتیگی کرت کنیں.
🔹انسانی زندگی سے بھر انت: اولی “حیوانی” زندگی انت، وھدے که انسان شہ ماسا بیت، چو حیوان و دلوتاں بس وارتن و وپتنِ فکرا انت. زندگیِ اے بھر، بزرگاں “حیوانی” نام بستگ.
🔹زندگیِ دومی بہر “عقلانی” انت، اے ھما دَور انت کہ انسان ترقی و دیمرویِ فکرا کپیت و پہ جوانیں ورَگ، پٔچ و پوشاک و گس و لوگا زحمت کشیت.
🔹زندگیِ سومی بھر “ایمانی” بھر انت. ایمان په انسانا مرز‌ و سیمسراں پیش داریت. بلکیں عقل بگوشیت که زنا و نکاحِ درمیانا فرقے نیست، بلے ایمانا اے دوئیناں شہ یکدگرا جدا کنت.