مسلمانانی عید بسّ دو اَنت، عیدفطر ؤ عیدقربان

واجه مولانا عبدالکریم حسین‌پورا اِے هفتگِ «گُشتِ» جمعه‌یِ نمازا په اسلامی دۆد ؤ رهبندانی رندگیریا تأکید کرت ؤ گوشتی: اسلامِ عید بسّ دو اَنت، یکے عیدفطر ؤ‌ دگرے عیدقربان.

مولانا عبدالکریم صاحبا دێمترا گوشت:

🔷 اسلامِ عید، عید فطر ؤ قربان اَنت

برابر گۆں اسلامِ شریعتا ما را دو عید هست انت ؤ بس یکّے گونڈیں عید (عید فطر) ؤ دگرے مزنێں عید (عید قربان). اے بابتا “نوروزا” عید گوشگ ناجائز اِنت، بسّ نوروز بگوشێں ؤ عید مگوشێں.
مئی عید همے دو دانگ اَنت ؤ دگه عیدے ما را نیست، عید نوروز و عید غدیر مئے عید نهنت.
وهدے که پیامبر صلى الله عليه وسلم مدینهِ ملکا شُت ماں اودا دو روچے که چه ایرانا آتکگ اِتنت جشن اِش گِپت، که یکے نوروز ات ؤ دگرے مهرگان. واجه رسول‌الله صلی‌الله عليه وسلما جُست کت اے چه رۆچے اِنت؟ گوشت‌اِش که پێشیگێں مردماں اے رۆچاں جژن گپتگ ؤ لَیب و شادی‌اش کتگ ما هم اے رۆچا جژن گرێن ؤ شادی ؤ لَیب کنێں.

🔷اسلامِ تها چهارشنبه سوری نێست

ما را ماں اسلاما “چهارشنبه سوری” یے نیست اے کار مجوس ؤ هما مردمانے انت که چه اسلاما پێسر بوتگنت.
اگه مروچی ما تمدن ؤ فرهنگِ لارتا جنێں گُڑا شَر بچاریں، گندێں ماں چهارشنبهِ رۆچا هزاراں نفر ٹَپّ ؤ ٹور بوتگ و سُتکگ اَنت، آیا ما را دود ؤ ربیدگ (تمدن) په همے چیزا وادار کنت که وتا آسا چگل بدئێن ؤ وتا بسۆچێں؟
آیا سالمێں سنچ ؤ عقل په چشێں کارے دستور دنت؟ الّم که نه!
اپسۆزِ جاه انت که لهتے اهل‌سنت برے برے دگرانی دۆدانی رندا کپ انت، کمے فکر بکنێں که اسلامِ شریعت چشێں اجازتے دات که ما را چهارشنبه‌سوری یے ببیت، عید نوروز و سیزده‌به‌در داشته ببێں؟ نه، اے بابتا هیالداری بکنیں.
کۆشست بکنێں برابر په آ چیزے که پیامبر صلى الله عليه وسلما دستور داتگ، عمل بکنێں.

🔷کافرانی رسم ؤ دۆد احترام کنگ مبنت

ما نباید رسم ؤ دؤدانے که چه کافراں پشت کپتگ اَنت، عزت ؤ احترام بکنێں، بلکێں برابر گۆں فقهاءِ گپاں کسے که اے رۆچاں احترام بدات ؤ مزن بزانت گۆں هما نیتے که کافراں هست، کفر انت. اِے رؤچانا تبریک ؤ مبارکباد گوشگ جائز نهنت.

🔻سرچمگ:‌ سنت‌آنلائن