پند و نصیحت

لهتے چه استاد مفتی خالد دهواری حفظه الله ءِ سوج و پند و نصیحتاں

(اشاره: استاد مفتی خالد دهواری عین العلوم گُشت ءِ دارالافتا ءِ سرمستر و پاگواجه انت و چه اِے دینی وانگجاه ءِ حدیث ءِ استاداں زانگ بیت)

1_واجه حکیم الامت مولانا اشرفعلی تهانوی ءِ کتاباں بوانِت خاص واجه ءِ ملفوظات وانگ ببنت که اے واجه ءِ کتابانی وانگ، مُرشدے اندازگا کاردَیَنت.

2_ چه وتی استاداں نیکیں دعا بلوٹِت.

3_ الله(ج) ءِ یاد و ذکرا باز بکنِت، خاص سُهب ءِ نمازا پد داں اشراق ءِ نماز ءِ درگتا.

4_اخلاص والا بِبِت هرکارا په الله ءِ رضامندیا بکن ات.

نمیرانیں واجه مولانا عبدالستار که بُن و بیها سربازی مردمے بوتگ، پدا ماں بمپور الله آبادا آتکگ و رندا ماں ایرانشهر ءِ بازارا آتکگ و مسجد جامعہ طوبا ءِ بَندوک بوتگ، اے واجها یکرندے گوشت: شما گُشتی عالماں په وتی دینی وانگحاه ءِ دیمروی کنگا باز گَل و شادمان و مغرور مَبِت که شمئے مدرسه دیمروی کتگ، چیا که اے مدرسه ءِ دیمروی کنگ ءِ سَوَب واجه مولانا سید عبدالواحد گُشتی ءِ اخلاص ءِ برکت انت که هنوں ماں حق آبادا نندوک انت.

5_ روچے پنچ رند الله ءِ درگاها دعا بکنِت و یکے چه شمئے دعایاں اے ببیت که اے الله هرچ کارے که په مسلمانانی مصلحتااِنت هما کارا چه من بِگِر و آ کار ءِ آمادگیا منی جبینا پیداگ بکن.

✍️همُنتِی

سرچمّگ: سنت‌آنلائن