پلّیں ورنایانی زمّه‌واری

شما را اَلّم ٳنت که ورنائیِ دور شرتریں دَور ٳنت، اے دورِ تها مردم په هر کارا ڈڈ ؤ تیار اِنت. الله پاکا ما را اِے نعمت داتگ، اِے نعمتا بازیں زمه‌واری هں هست. هر ورناءِ سرا لازم اِنت که وتا دینِ وارث بزانت ؤ چه واجه پیغمبر ؤ قرآنِ حکماں رندگیری بکنت.
دیما چار زمه‌واری که اے دورا هرجوانِ سرا لازم اَنت، نبیسّگ بنت:
۱?. اسلاما په شری/جوانی جاه یارگ
اولی ذمه‌واری هرورنائے همیش انت که اسلاما په شری پچّاه بیاریت، پچے که زانتن پیسر چه عملا ٳنت.
۲?. اسلامِ سرا عمل کنگ
اسلام ایوکا زانگ چه مردماں نلوٹیت، بلکیں زانگِ همراهیا عمل هں لوٹیت. اسلامِ تها هما زانگے شر انت که عمل گونا ببیت، هما زانگ که دل ؤ دماگ تها بروت ؤ مردما حرکت بدنت، هر ورناءِ سرا لازم اِنت که عملی نمونه ؤ الگوئے په اسلاما ببیت، اسلام چه تو لوٹیت که چه حرامیں کاراں دور ببے ؤ شرّیں کار بکنے.
۳?. اسلامِ نیمگا دعوت دیگ
سومی چیزے که جوانانی سرا لازم اِنت ٳشنت که دنیاءِ مردماں اسلامِ نیمگا دعوت بدنت، اے اسلامی دابے نهنت که مردم ایوکا وتی فکرا ببیت.
اسلاما هما مردم دوست اِنت که اے دگه مردمانی فکرا ؤ سوچا ببیت باید که ورنا اے دعوتِ راهِ تها باز صبر پکننت ؤ گوں حکمتا دیما برونت.
۴?. دوستی گنگ بسّ اسلامِ خاطرا
ورنا وهدے که اسلاما پجاه آرت ؤ گوں دل ؤ جان ایمانی آرت ؤ دگرانے اسلامِ نیمگا دعوت دات، باید وتی سنگتانی درمیانا ارتباط بکنت ؤ هر وهدا چه وتی سنگتانی حال ؤ کاراں جست بکنت.
من چه الله‌ئا لوٹاں که مئی ورنایاں اشانی عمل کنگِ توفیق بدنت.