چه روسیا و سوریاءِ نوکیں هوایی بمبگواریاں مَں حلبءِ شهرا، گیش چه 85 نپر کشگ و بازینے ٹپی بوتنت. سازمان ملل و دگه بازیں بینالمللی سازمان و هوربنداں وتی پریشانی چه اِے جاورا درشاں کرتگ.
په سنیآنلائنءِ هالکاریا، سازمان مللءِ انساندوستی کارمسترا وتی پریشانی چه حلبءِ غیرنظامی و عاممردمانی تلف و بیراں بیگا جار جتگ و اِے حملهیانی بندبیگءِ لوٹ داتگ.
“یان ایگلند”، سازمان مللءِ انساندوستی کارانی مسترا گوشتگ: چه غیرنظامیانی سرا بمبگواری مَں آ جاهاں که آجوئی/آزاتی لوٹانی دستا اَنت، پهریز کنگ بیت. مدترساناں اجازه دیگ بیت که وتی کمکّاں برسیننت.
سازمان مللءِ کارگشادا اِے حمله «جنگی جنایت» زانتگنت. بانکیمونا اِے حمله چه سال 2011 تا هنو ماں سوریائا «بےمَٹ» زانتگ و اعلامی کرتگ که من چه حلبءِ بمبگواریاں حیراں بوتگاں.
سازمان مللءِ کارگشادا چه سوریاءِ فوجءِ آسگوارین و بیراں کنوکیں بمبانی کارمرزکنگا خاصکار حلبءِ شهرءِ چیرزمینی پناهجاهانی سرا وتی پریشانی اعلاں کرتگ و اِے سلاهانی کارمرزکنگی «جنگی جنایت» زانتگ.
قرار بوتگ که دوشی «شورا امنیت» ماں یک دیوانے حلبءِ شهرءِ هالاتا بررسی و چست و اِیر بکنت.
آخری هالاں که ماں “الجزیره”ءِ سایتا شنگ بوتگنت، چه سوریا و روسیاءِ بمبگواریاں ماں حلبءِ شهرا تا مرچی دوشنبه 26 ستمبر2016 ئا گیش چه 85 نفر بیران و بازینے ٹپی بوتگ.
مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…
شیخالاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…
پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…
شیخالاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (17 فروردین 1403/ 5 آپریل 2024) «استان ءُ ملک ءِ…
اسلام آباد ءَ بلوچ یکجھتی کمیٹی ءِ نیمگ ءَ برجاھیں زھرشانی نندانک ءِ سروک ڈاکٹر مھرنگ ءَ ماں چاگردی رسانکدر…