صدقه فطرَے حُکماں

یکے چه رمضانَے عیدَے عملاں صدقه فطرَے دیگ اِنت. دیما اِے حکمَے مسائل و رهبند پیش کنگ بنت.

?صدقه فطرَے فضیلت
حضرت ابن عباس پرمائینیت: «فَرَضَ رَسُولُ اللَّهِ صَلَّى اللهُ عَلَیْهِ وَسَلَّمَ زَكَاةَ الْفِطْرِ طُهْرَةً لِلصَّائِمِ مِنْ اللَّغْوِ وَالرَّفَثِ وَطُعْمَةً لِلْمَسَاكِینِ، مَنْ أَدَّاهَا قَبْلَ الصَّلاةِ فَهِیَ زَكَاةٌ مَقْبُولَةٌ وَمَنْ أَدَّاهَا بَعْدَ الصَّلاةِ فَهِیَ صَدَقَةٌ مِنْ الصَّدَقَاتِ». (رواه أبو داود: 1371)؛ پیگمبرا فطریهَے زکات فرض کنائینت، په روچگدارا چه بیهودگین و سِلّیں گپاں پاکی یے و یک خوراکے/وراکے په بے‌وسانی واستا، هرکس آئیا پیسر چه عیدَے نمازا ادا بکنت، گڑا قبول بوتگیں زکاتے و هرکس رندا آئیا بدات، گڑا یک صدقه اِے چو آدگه صدقه‌یاں.

?صدقه فطرَے اندازه
حنفی فقهَے مطابقا فطریهَے اندازه چه گندما نیم‌ صاع بزاں دو کیلو و 320 گرم اِنت. هرکس توانت وتی ملکا همے اندازه گندمَے قیمتا بچاریت و همے اندازه پول بدات.
چه جَو و نا/هرماگ اگه یکے لوٹیت بدات باید یک کاملیں صاعے بزاں چارکیلو و 640 گرم بدات.

?صدقه فطر کئی سرا واجب اِنت؟
صدقه فطر هما کس سرا واجب اِنت که آئیَے تمامیں مال و هستی غیر چه اصلی نیازاں 87 گرم سُهرا و تلاها برسنت. هنوگیں تلاهَے قیمتا باید 9 میلیون تومنا برسنت.
آ که مالی کمتر اَنت هں بهتر اِنت فطریه بدات پچے که فطریه روچگا پاک کنت و آیانا مزنیں مز و ثوابے رسیت.
امام شافعیا گوشتگ: آ فقیر که وتیگ و وتی لوگَے مردمانی شپَے شامی هست، آ هں باید بدات.

?صدقه فطرَے دیگَے وهد
صدقه فطرَے دیگَے وهد رند چه عیدَے روچَے بامَے ٹِکا فطریه واجب بیت و باید پیش چه نمازا ادا کنگ ببیت، اگه یکیا پیش چه عیدَے روچا دات، اِے هں روا اِنت تا بَزّگ و بےوَس بتواننت په وتی پچ و کوشے برگنت.

?صدقه فطرَے دیگَے جاه
صدقه فطرَے حقدار گریب، بے‌وس و مسکین اَنت همے پیم په دینی مدرسه و وانگجاهاں هں روا اِنت.