تاجیکستانءَ وتی دژمنی گوں اسلامی نشاناں گیشتر کت

تاجیکستانءِ حکومتءَ په وتی ضد دینی سیاستءِ پیش دارگءَ مسلمانانی ریشانءَ تراشیت و بانُک و جنینانی سِتر و حجابءَ دیر کنت.
په “سنی آنلاین”ءِ هالکاریءَ نقل چه «الجزیره»ءَ تاجیکستانءِ پلیسءَ په ترندروی و افراطءِ مقابلهءِ نیمونءَ 13 هزار مسلمانءِ ریش تراشت و گیش چه هزار بانکءِ ستر و حجاب زرت.
«الجزیره» ءِ هال‌رسانی سایتءَ نقل چه «ایندیپندنت»ءِ روتاکءَ نبشتگ: تاجیکستانءِ پلیسءَ وتی یک پیگامے توکءَ گوشتگ که تاجیکستانءَ نوکیں گامے په افراط و ترندرویءِ مقابله و گارکنگءَ چست کرتگ. همے واستءَ 13 هزار نفرءِ ریش تراشگ بوتگ اَنت و 818 جنیں مجبور کنگ بوتگ اَنت که وتی سترءَ به زور اَنت.
تاجیکستانءِ پلیسءَ گوشتگ: ما پمشا اشانی ریش تراشتگ اَنت که ریش‌اش دراج و بے‌وڑ بوتگ اَنت.
همے ڈولءَ «ختلان»ءِ ولایتءِ پلیسءَ گوشتگ: ما 162 اسلامی پوشاک و ِسِتر دکان و بهاجاه/محل‌فروش بند کتگ و 1773 جنیں مَنّینتگ اَنت که وتی سترءَ به زور اَنت.
«ایندیپندنت»ءِ روتاکءَ دیمءَ نبشتگ: امام‌علی رحمان، تاجیکستانءِ راجکماش که چه سال 1992م ماں تاجیکستانءَ کماشی کنت، په بی‌دینی و لائیسمءِ شنگ کنگءَ باز کوششی کرتگ و گوں دینی عقیده و باوراں باز جنگ کتگ. پیش چه اشیءَ گوشتگی گونڈیں زهگانی سرا عربی نام اِیر مه کن اِت.
تاجیکستانءِ راجکماشءِ بَڈ پمیشکا بَز اِنت که پیشی دسمبرءَ تاجیکستانءِ پارلمانءَ آئی «زعیم الأمت» و «تاجیکستانءِ سُهل و تپاکیءِ بن‌رد گروک» زانتگ و آئیءِ چه هرپیمیں گُڈی قضایی و آمیدگسی تعقیب و رندگیریءَ پناه داتگ.