راج و مردمانی زنده‌مانی ماں الله تعالیءِ جاه آرگءِ تها اِنت

واجہ مولانا عبدالحمیدءَ ماں وتی جمعهءِ گپاں الله تعالیءِ ذکر و یات په انساناں ضروری زانت و انسانانی زنده‌مانیءِ ماں اللهءِ ذکر و یادءَ زانت.
پہ اهل‌سنت‌ءِ هالرسانی سایت، سنی‌آن‌لاینءِ هالکاریءَ شیخ‌الاسلام مولانا عبدالحمیدءَ ماں وتی جمعه 10) مهر 1394/ 18 ذی‌الحجه 1436)، ءِ وازّاں گوں آیہ «إِنَّمَا الْمُؤْمِنُونَ الَّذِينَ إِذَا ذُكِرَ اللّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَى رَبِّهِمْ يَتَوَكَّلُونَ»[أنفال:2]ءِ گوشتی: الله تعالی پرمائینیت کہ حقیقی مومن هما اَنت کہ الله تعالیءِ یادکنگءِ وهدءَ، آیانی دل چہ خوف و ترس لرزیت. الله تعالیءَ جاه آرگ و رابطہ کنگ پہ انسانءَ سک مهم اِنت، بلکیں انسانانی زنده مانی همشیءِ تها اِنت. آ کہ الله اِش جاه نیارتگ، و اللهءِ محبت، آیانی دلءِ تها جاه نگپتگ، بِلّی که ظاهرءَ زندگ اَنت، بلے حقیقتءَ آ مُردگ اَنت.
واجه مولانا عبدالحمیدءَ دیمءَ گوشت: حقیقی مومن هما اِنت کہ گوں اللهءِ یادءَ آیانی دل چہ الله تعالیءِ جلال و مزن‌شانیءَ لرزیت و وهدے که قرآن مجیدءِ آیات، تلاوتءِ بنت آیانی ایمان گیش بیت. اللهءِ یات کنگءِ خاصیت همیش اِنت کہ انسانءِ وجودءَ الله تعالیءِ خوف و ترس و گناهءَ چہ دوری کنگءِ شوق کئیت و الله تعالیءِ آیاتءِ خاصیت همیش انت کہ مردمءِ ایمان زیاده بیت.
دارالعلوم زاهدانءِ کارمسترءَ گوشت: الله تعالی رند چہ اِے آیتءَ توکّل کنوکانی صفاتءَ بیان کنت و پرمائینیت: «الَّذِينَ يُقِيمُونَ الصَّلاَةَ وَمِمَّا رَزَقْنَاهُمْ يُنفِقُونَ» توکل کنوک هما اَنت کہ نمازءَ برجم دار اَنت و اللهءِ راهءَ انفاق و هرج کن اَنت. زانگ بیت کہ نمازءِ اهتمام کنگ و اللهءِ راهءَ انفاق و خیرات کنگ چہ الله خاصیں بندیانی صفاتان اَنت.
واجهءَ گوشت: نماز، مزنتریں جانی عبادت و زکات و صدقات مالی عبادت اَنت، همے واستءَ اللهءَ اے دوئیں عبادت پسند بنت و چہ اشانی کنگءَ وشنود بیت.
اللهءِ سرءَ باور کنگ و مردمانی سرءَ اعتماد حکومتانءَ برجم داریت
واجہ مولانا عبدالحمیدءَ ماں دگہ بهرے چہ جمعہءِ گپاں گوں اشاره پہ دنیاءِ حکومتانی گِروکشّاں و درگیریاں گوشتی: الله تعالیءَ پیغمبر صلی‌الله‌علیه‌وسلم، گوشتگ: «یا أیها النبی حسبک الله و من اتبعک من المؤمنین». ماں اِے آیتءَ الله تعالی ارشاد کنت کہ حکومت باید اللهءِ سرءَ باور کن اَنت و مردمانی سرءَ اعتماد بکن اَنت.
واجہءَ گڈسرءَ گوشت: اگہ ما دنیاءِ حکومتانءَ بررسی بکن این و بہ چاریں، گِندایں کہ مردمی حکومت بزاں هما کہ مردمانی سرءَ اعتمادش کتگ، دَوراِش دراج‌تر بوتگ و طاقت والا تریں حکومت بوتگ اَنت. مستبدّ و ظالمیں حکومتانی صفت همیش اِنت کہ بہ جاه اِشیءَ کہ الله تعالی و مردمانی سرءَ اعتماد بکن انت، په شرقی و غربی قدرتاں لچّ انت.