حضرت عمرءِ لقب ’’فاروق‘‘

رسول اللہ ﷺءِ دورءَ یہودیانی عادت ایش ات کہ آیاں وتی معاملہ و مقدمہانی واسطہ رشوتءِ دیگءَ ہم تیارانت و سفارش و رعایتءِ تچ و تاگ ہم کت، انچوش کہ مرچاں ماں مسلمانانی تہا بوگءَ انت۔

یک روچے یک یہودیءَ و یک منافقءِ کہ ظاہرءَ وتءَ را مسلمان پیش داتشتے بلکہ تہ و توکا کافرات۔ یک زمینءِ سرءَ اڑیتگ انت یہودیءَ گشت کہ وتی مڑ و دعویءَ رسول اکرمﷺءِ دربارءَ پیش کنین۔ بلے منافقءَ زورداتگ ات کہ یہودی عالم و ملاےءِ کرّءَ وروئیں۔ پد آیانی ماں واجہءِ خدمتءَ افتاق کت۔ دویں گون وتی دعوی و معاملہءَ واجہءِ دربارءَ حاضر بوت انت۔ واجہءَ ہر دوکانی گپ گوش داشت انت و فیصلہ ماں یہودیءِ حقءَ ماں حالات و حقیقی بنیادءَ شریعتءِ رو ارشاد کت۔ چہ واجہءِ فیصلہءَ رند دوئیں چہ واجہءِ دربارءَ رہادگ بوت انت ڈنّءَ کہ دراتک انت تو منافقءَ فکر جت و چارت کہ حضرت عمر ترندتریں مردم ایت یہودی و کافرانی دژمن ات۔ اگر ماں وتی اے دعویءَ آواجہءِ دربارءَ پیش بکنیں تو یقین انت کہ واجہ حضرت عمرمنی حقءَ فیصلہ دنت۔ تو منافقءَ گوں یہودیءَ درّائینت کہ حضرت عمرءِ کرّا بریں اے گپان جنیں۔ یہودیءَ درّائینت کہ واجپ بلے ما واجہءِ کرّءَ شتگ و ہم وتی عرض کتگ۔ واجہ مبارکءَ منی حقء فیصلہ داتگ۔ تو حضرت عمرءَ دیم گوں منافقءَ کت کہ سر ظاہرءَ آئی مسلمان ات۔ منافقءَ ہم منّت کہ ہؤ ما فیصلہ کتءَ۔ ما رسولﷺءِ دربارءَ شگیں واجہ مبارکءَ منی حقءَ فیصلہ داتگ۔ تو حضرت عمرءَ منافقءِ گردن جت و گشت کہ ہر کس محمدﷺءِ وڑیں قاضیءِ فیصلہءَ مہ منیت گڈا منی گورا آئی فیصلہ ہمیش انت۔
گڈا آ منافقءِ سیاد و وارث رسول اکرمﷺءِ شت انت و حضرت عمرءِ خلافءَ وتی سیادءِ قتلءِ دعوی کت و دروغیں قسم اش وارت و گشت اش کہ آئیءَ حضرت عمرءَ کشتگ۔ آتوئے واجہءِ فیصلہ ئے خلافءَ واجہ حضرت عمرءِ کرّ نہ شتگ تو گڈا حضرت جبرئیل اللہ تعالی دیم دات۔ و حضرت عمرءِ گوں اے آیاتءَ چڈائینگءِ تو جیل کت ’’الم تر الی الذین یزعمون انھم بما انزل الیک و ما انزل من قبلک یریدون ان یتحاکموا الی الطاغوت و قد امروا ان یکفروا بہ و یرید الشیطان ان یضلّھم ضلالا بعیدا‘‘ اے آیاتءِ کریمءِ تہا اصل حقیقت اللہ تعالیءَ ظاہر فرمائینت و حضرت عمرءِ اخلاص و عشقءِ محمدﷺ پردہ لیٹینت۔ تو چما روچءَ ہمے وڑا حضرت عمر لقب فاروق ایرکنگ بوت۔ چہ آے آیات مبارکءَ و چہ اے واقعءَ زانگ بیت کہ حضرت عمرءَ گوں محمدﷺءَ چنچک محبت و عشق بوتگ۔ دعا انت کہ اللہ تعالی مارا مسلمانانءَ گوں محمدﷺءَ و حضرت ابوبکرءَ و گوں عمر فاروقءَ و تمام صحابیاں محبتءِ توفیق بدانت۔

عبدالحمید لعل محمد تربت (کیچ)
راستیں راہ