سازمان ملل۵۲۹ نفرءِ اعدامءِ حکم ءِ سرءَ ایراز گِپت

بین المللیءِ سکّېں اعتراضانیِ دُمبءَ، تپاکېں راجانی سازمان (سازمان ملل متحد) هم په صادر بوتگېں حُکماں په ۵۲۹ نفرءِ باروءَ چه مصرءِ حکومتءِ مخالفان که دۏشنبهءِ رۏچءَ صادر بوت ءُ قرار اِنت که گُڈی حکم ماں ۲۸ آوریلءَ په آیاں اعلام ببیت، ایراد گِپت.

فرحان حق تپاکېں راجانی سازمانءِ دبیرءِ رسمی گپ‌‌جنءِ نائب گْوشت : راجانی سازمانءِ جاگاه په متهمانی اعدامءِ حکمءِ جاری کنگءَ نٹگلیت . آئیءَ دېمترءَ گْوشت : مئے کۏشست اېش اِنت که چه اے صادر بوتگېں حُکماں گېشترېں معلوماتے در بگېجېں ءُ پیکه بشری حقوقءِ دیده‌بانءِ نافی بیلای هم زوتازوت اے حکمانی سرءَ ایراز بگیرت.
همے پیم امریکایءِ ڈنّی وزارت هم بیانیه‌اے ءِ دُمبءَ وتی سکّېں نگرانیءَ په اخوان المسلمینءِ ۵۲۹‌اېں نفرانی اعدامءِ حکمءَ درشان کُت.
امریکایءِ ڈنّی وزارت اے بیانیهءِ تها نبشتگ : على رغم اےکه پدءَ اے حکمانی بررسی هم ممکن‌اِنت، په نظرءَ نیَیت که  گېش چه ۵۲۹ متهمءِ  محاکمه گۏں مراجعه په دلیل ءُ گْواهاں په عادلانه‌اېں طرزے ءُ مناسب گۏں بین المللی معیاران ءُ آئی هم اېوکءَ دۏ جلسهءِ تها ببیت.
گْوشگی‌اِنت که اے محکومانی مانجینءَ ڈاکٹر محمد بدیعءِ نام که اخوان المسلمین‌ءِ رهشۏں دئۏک‌اِنت ءُ ڈاکٹر سعید کتاتنی گْوستگېں مجلسءِ رئیس هم گندگءَ بَنت . همے ڈول مصرءِ دادگاه ۱۶ نفر چه اے پاٹ ءِ باسکانءَ چه اتّهامءَ تبرئه کُتگ .

سنت آنلاین