اهلسنتءِ دانشجوياني سراسري ديدار گوں علما وزانوگران

إيرانءِ اهلسنتءِ دانشجوياني ديدار گوں علما و زانوگراں(21 و22 اسفند1392)ءَ، گوں شعار”دانشجوي مسلمان؛ هويت، آرمان و رسالت” ماں زاهدانءِ مسجد جامع مكيءَ برجم دارگ بيت.

په سني آنلاينءِ حالكاريءَ نقل چه اهلسنتءِ دانشجوياني رسمي سايتءَ،إيرانءِ اهلسنتءِ دانشجوياني ديدار گوں علما و زانوگراں چه چهارشنبهءِ ظهرتاپنج شنبهءِ بيگاهءَ (21 و22 اسفند)ءَ، گوں شعار”دانشجوي مسلمان؛ هويت، آرمان و رسالت” ماں زاهدانءِ مسجد جامع مكيءَ برجم دارگ بيت.
إﮮ ديدار كه همك سال په حوزه ودانشگاهءِ تپاكي و وحدتءَ برجم دارگ بيت، علماء و حوزه ودانشگاهءِ استاداں،اصلاحي وتربيتي موضوعاني بارهءَ گپ و تران كن أنت، ولهتے طالب ودانشجوياں وتي علمي-تحقيقي نبشتانك ومقاله يانءَ پيش كن أنت.
ماں إے ديدارءِ كِرّ وگورءَ هں لهتے جنبي برنامه وپروگرام إجرا بيت چوشكه:
–    نمايشگاهكتاب گوں%40 تخفيفءَ
–    رسانك ومطبوعاتاني نمايشگاه، وشخصيتاني پجار
–    ديني وعلمي مطالبءِ بارگذاري
–    سوال وجوابءِ ديوان ماں مختلفيں موضوعاں
–    هر منطقهءِدانشجوياني خصوصي ديدار وملاقات گوں علما
–    لچه گوشي ومشاعرهءِ ديوان، طالب ودانشجوياني درميانءَ
حضرت شيخ الإسلام مولانا عبدالحميد گوشيت:إے ديوانءِ شركت كنگ، مئي جواناني سرپدي و فهمءِ نشان إنت كه ماں وتي وجودءَ إے نيازءَ احساس كن أنت كه بيا أنت ماں علماء وزانوگراني ديوانءَ وماں مسجد وحوزهءِ معنوي محيطءَ وتي تُنيگيں روحءَ سيراپ بكن أنت، وگوں مضبوطيں ايمان ويقين وبالائيں هدفے علمءِ وانگءَ مشغول ببنت.
گوشگي إنت كه همك سالءَاهلسنتءِ دانشجوياني ديدار گوں علما وزانوگران برحم دارگ بيت كه اهلسنتءِ دانشجوياں چه پهكيں استاناں ماں زاهدانءَ جمع بنت.