سئےجمعي قبر ماں رودراتكي بلوچستانءَ دركپتگ

په سني آنلاينءِ‌حالكاريءَ نقل چه وش نيوزءَ،‌ ماں خضدار، يكے چه رودراتكي بلوچستانءِ‌دمگاں، 150 لاش ماں سئے جمعي قبرءَ دركپتگ.

إے لاشاني دركپگءِ خلافءَ، ماں تربت، كيچ، مند، بلو، گوادر و بلوچستانءِ‌دگه بازيں دمگےءَ هڑتال إنت و كارگس و وانگجاهاں بندأنت.
ماں ايسناءِ داتگيں حالےءَ آتكگ: حقوق بشرءِ آسيايي كميسون (AHRC)ءَ گوشتگ: گيش چه 100 لاش ماں سئے جمعي قبرءَ، ماں رودراتكي بلوچستانءِ خضدارءِ دمگءَ دركپتگ كه همے گمان إنت كه إے لاش، گار و بيگواهيں بلوچانيگ أنت. إے لاشاني سياد و وارثاں په وتي مردماني درگيجگءَ، إے جاگاهءَ اتكگ إتنت كه پاكستانءِ پوليس و امنيتي واكاں آيانءَ اجازه ندات.
إے كميسونءَ حال داتگ كه ماں جنوريءِ 25ءَ، يك شپانكےءَ يك لاشے ماں همے جاهءَ درگپتگ أت ورندءَ گوں آئيءِ پٹ و پولءَ إے سئيں جمعي قبراں درگيجگ بوت أنت.
إے كميسونءَ ديمءَ آرتگ كه گمان همش إنت كه لهتے دگه قبر إے دمگءَ ببيت كه انگتءَ درگيجگ نبوتگ أنت.
پاكستانءِ حكومت په إے چيزءِ چيرديگءَ، مردم و رسانكاں، په إے جاگاهءِ آيگءَ نئيلگءَ إنت.
گوشگي إنت كه پاكستانءِ حكومت چه سال 2001 تا هنو بلوچاني دزگيركنگ و بيگواه كنگءَ شروع كتگ كه تا هنو گيش چه 18000بلوچ گاربوتگ.