Categories: ملکءِ حالاں

ماما قدیربلوچءُ فرزانه مجید بلوچءِ اعتراضی کاروان، لاڑکانهءَ سربوتگ

رودرآتکی بلوچستانءِ بلوچانی اعتراضی کاروان گوں ماما قدیر بلوچ ءُ فرزانه مجید بلوچءِ سروکیءَ، 55 روچءَ رند لاڑکانهءَ سربوتگ.

په سنی آنلاینءِ حالکاریءَ نقل چه وش نیوزءَ رودرآتکی بلوچستانءِ بلوچانی اعتراضی کاروان گوں ماما قدیر بلوچ ءُ فرزانه مجید بلوچءِ سروکیءَ، 55 روچءَ رند لاڑکانهءَ سربوتگ. إے مردمان په وتی بیگواهیں سیادانی درگیجگءَ، وتی اولی روانک چه کوئٹهءَ بگر داں کراچیءَ انجام داتءُ هنو چه کراچیءَ دیم په اسلام آبادءَ جنزان إنت.
إے کاروان سئے شنبهءِ صبح(17-دیماه-1392همدپ گوں 7- جنوری- 2014)ءَ، چه سندءِ دمگ ٹنڈو مستیءَ درکپتگ ءُ شپءَ لاڑکانهءَ سربوتگ. کاروان شپءَ لاڑکانهءَ روچ کتگءُ صبحءَ دیم پہ اسلام آبادءَ رهادگ بوتگ.
مجلس وحدت المسلمینءِ رهشونانءُ إے دگه سیاسی گلاں، ماماقدیربلوچءُ آئیءِ همراهان ماں لاڑکانهءَ وشاتک کتگ. کاروانءَ 8 زالبولءُ 4 چکءُ 3 مردین آدم گون إنت کہ آیاں یکسره ترندیں سارتیءَ اعتراضی روانک برجاہ داشتگءُ همت دور نه داتگ. ترندیں سارتیءِ سببءَ کاروانءِ ھواریں مردمانی طبعیت هم ناوش بوتگ. همے واستا په آیاں یک آمبولانسے دیم دیگ بوتگ.
ماما قدیر بلوچءَ گشتگ که بلوچستانءِ مھلوکءِ سرءَ ظلمءُ زوراکی برجاہ انتءُ اودءَ شہری ، نودربر ، ڈاکٹر ءُ دگه بازیں بلوچ دزگیر کنگءُ بیگواہ کنگ بوگءَ انتءُ  تپاکیں راجانی هوربندءُ مردمی حقانی جهدکاراں بے موچءُ بے توارأنت. بلوچ راجءِ کمکءُ مددءِ واستا کس تیار نه انت.
 إے کاروان چه کوئٹه داں کراچیءَ 25 روچءَ پیادگءَ وتی روانک انجام داتگءُ رندءَ دیم په اسلام آبادءَ رهادگ بوتگءُ 30 روچءَ رند لاڑکانهءَ سربوتگ که سرجمءَ 55روچ بنت.
ماما قدیرءِ کاروان چه بازیں سندی راجدوستیں پاٹءُ حزبانی نیمگءَ وشاتک کنگ بوتگءُ کاروانءِ مردمان هار گورءَ دیگ بوتگ أنتءُ آیانی سرءَ پل گوارینگ بوتگ.
 ماما قدیر بلوچءُ فرزانه مجید بلوچءَ گوشتگ: کاروانءِ مولءُ مراد،  ظلم آماچیں راجءُ بیگواہ بوتگیں بلوچ ورنایانی شوہازگءُ در گیجگءإنت. آیاں گوشتگ کہ ٹپءُ ٹوریں لاشانی دز کپگ چه بلوچستانءَ بند کنگ ببیت.

Recent Posts

زاهدان ءِ بےمیارێں مردمان ءَ کُشت اش ءُ ماں تهران ءَ درۆگێں سرهال اش دات

علیرضا کمیلی، حکومتی ئێں شۆهازگر ءَ ماں سیستان ءِ بلوچستان ءِ دێمروی ءِ دێم‌گیریانی دیوان ءَ گۆں اشاره به زاهدان…

2 روز ago

دنیا ءِ حکومتاں ءُ یهودیاں اسرائیل ءِ ترۆندیانی دێم ءَ گر انت

شیخ‌الاسلام مولانا عبدالحمید ماں زاهدان ءِ نمازجمعه ءِ دیوان ءَ (21 اردیبهشت 1402/ 10 مای 2024) گۆں اێشی بیان ءَ…

5 روز ago

ٹوهێں مڈیانی هرچ کنگ په سیمسرانی بند کنگ ءَ «راسبندی» ءُ «تۆجیل» نه انت

مولانا عبدالصمد ساداتی ماں سراوان ءِ نماز جمعه ءِ دیوان ءَ گۆں اشاره به ملک ءِ وزارت ءِ ٹوهێں هرچاں…

2 هفته ago

سرکار به هل ایت اهل‌سنتاں په آزاتی نماز بوان انت

شیخ‌الاسلام مولانا عبدالحمید ماں زاهدان ءِ نماز جمعه ءِ دیوان ءَ (۱۴ اردیبهشت ۱۴۰۳/ 3 مای 2024) گۆں شرگداری شه…

2 هفته ago

انسانی ھکانی ادارھانی بے تواری ءِ سبب ءَ بلوچستان ءَ ھمک روچ زُلم ءُ زوراکیانی جاور گیش نہ ناگیگ بوان انت

پاکستان ءِ شھر لاھور ءَ عاصمہ جھانگیر ءِ کانفرنس ءَ تران کنان ءَ بلوچ رھشون ڈاکٹر مھرنگ بلوچ ءَ گوشتگ…

2 هفته ago

درکپگ ءِ راه شه ملک ءِ گپچلاں استمان ءِ حقێں لۆٹانی منّگ انت

شیخ‌الاسلام مولانا عبدالحمید ماں ز اهدان ءِ گونڈێن نماز ائید ءِ دیوان ءَ (22 فروردین 1403) گۆں اێشی بیان ءَ…

1 ماه ago