سعودی حکام نے حج پر روانگی سے 72گھنٹے قبل کورونا ٹیسٹ لازمی قرار دے دیا

سعودی سول ایوی ایشن اتھارٹی نے فریضہ حج کی ادائیگی کے لیےدنیابھرسےآنےوالےحجاج کرام کو سعودی عرب روانگی سے72 گھنٹے قبل کرونا ٹیسٹ کرانے کی شرط لازمی قراردے دی ہے۔
عازمین حج کےلئے کورونا وائرس ٹیسٹ سے متعلق پالیسی گائیڈ لائن میں تبدیلی سے متعلق نیاہدایت نامہ جاری کردیاگیاہے،سعودی ایوی ایشن اتھارٹی (گاکا)نے پی آئی اے سمیت دیگر ائرلائنز کونئی پالیسی گائیڈلائن سےآگاہ کردیاہے،کورونا ٹیسٹ سے متعلق نئی پالیسی گائیڈلائن کے مطابق عازمین حج کو روانگی سے 72گھنٹے قبل کورونا وائرس ٹیسٹ کراناہوگا۔
اس سے قبل سعودی ایوی ایشن اتھارٹی نے 48 گھنٹے قبل کورونا وائرس ٹیسٹ کی شرط رکھی تھی،کورونا سے متعلق پالیسی گائیڈ لائن کی خلاف ورزی پر سعودی وزارت صحت کے قوانین کے تحت کارروائی ہوگی،سعودی عرب آنے والے حجاج کی عمر 65 سال سے کم ہونا لازمی قراردی گئی ہے۔