لاہور: انارکلی بازار کے قریب دھماکا، تین افراد جاں بحق، 27 افراد زخمی

پنجاب کے دارالحکومت لاہور کے علاقے نیو انارکلی میں زوردار دھماکے کے نتیجے میں تین افراد جاں بحق اور متعدد زخمی ہوگئے۔

نیو انارکلی میں پان منڈی کے قریب خوف ناک دھماکا ہوا جس کی آواز دور دور تک سنی گئی۔ دھماکے کی آواز سے علاقہ میں خوف و ہراس پھیل گیا۔
مقامی ذرائع ابلاغ کے مطابق دھماکا اتنا زوردار تھا کہ قریبی عمارتوں کے شیشے ٹوٹ گئے اور قریب کھڑی کئی موٹرسائیکلوں کو آگ لگ گئی۔
واقعہ کی نوعیت کے حوالے سے تحقیقات جاری ہیں اور پولیس کی ٹیمیں جائے حادثہ پر کارروائی میں مصروف ہیں۔
دھماکے میں زخمیوں کی تعداد 27 ہوگئی جن میں سے 4 کی حالت تشویشناک ہے جنہیں طبی امداد کے لئے اسپتال پہنچا دیا گیا ہے۔