جامعہ بنوریہ کے مہتمم مفتی نعیم سپرد خاک

جامعہ بنوریہ کے مہتمم مفتی محمد نعیم کو کراچی میں سپرد خاک کردیا گیا۔
مفتی محمد نعیم گزشتہ روز انتقال کر گئے تھے، اس حوالے سے جامعہ بنوریہ کے ترجمان نے بتایا تھا کہ وہ دل کے عارضے میں مبتلا تھے۔
انہوں نے یہ بھی بتایا کہ تھا کہ ان کے سینے میں درد ہونے کے باعث انہیں اسپتال لے جایا گیا لیکن وہ جانبر نہ ہوسکے اور خالق حقیقی سے جاملے۔
مفتی محمد نعیم کی نمازِ جنازہ مفتی تقی عثمانی نے پڑھائی۔
مفتی نعیم کو جامعہ بنوریہ کے قبرستان میں ان کے والد کے پہلو میں سپردِ خاک کیا گیا۔