معروف عالم دین مفتی نعیم انتقال کرگئے

معروف عالم دین اور مہتم جامعہ بنوریہ مفتی نعیم انتقال کرگئے۔ مفتی نعیم کافی عرصے سے دل کے عارضے میں مبتلا تھے۔
ترجمان جامعہ بنوریہ نے مفتی نعیم کے انتقال کی تصدیق کرتے ہوئے بتایا کہ انہیں طبیعت بگڑنے پر اسپتال لے جایا جارہا تھا کہ راستے میں ہی خالق حقیقی سے جاملے۔
ترجمان کے مطابق مفتی نعیم دل کے عارضے سمیت گردوں، پھیپڑوں اور آنکھوں کے امراض میں مبتلا اور کافی عرصے سے علیل تھے۔
ترجمان کے مطابق مفتی نعیم کی نماز جنازہ کا اعلان جامعہ بنوریہ کی کمیٹی اور اہلخانہ سے مشاورت کے بعد کیا جائیگا۔