متحدہ عرب امارات میں سڑک کے کنارے گاڑی کھڑی کر کے نماز ادا کرنے پر پابندی عا ئد کر دی گئی جب کہ ایسا کر نے والے ڈرائیورز پر جرمانہ عائد کیا جائے گا۔
گلف نیوز کے مطابق سینیئر پولیس حکام کی جانب سے یہ وراننگ دبئی میں پیش آنے والے حادثے کی بعد جاری کی گئی ہے جس میں دو افراد ہلاک ہو گئے تھے۔ پولیس افسر بریگیڈئیر سیف موحیر المازوری نے گلف نیوز کو بتایا کہ خلاف ورزی کی صورت میں ڈرائیو کو 136 ڈالر تک جرمانہ کیا جا سکے گا۔ انھوں نے کہا پیٹرول سٹیشنز پر موجود مساجد نماز کی ادائیگی کے محفوظ مقامات ہیں اور ڈرائیورز کو انھیں استعمال کرنا چاہیے۔
‘ہائی ویز پر یہ قابل قبول نہیں کہ ڈرائیور سڑک کنارے گاڑی کھڑی کر کے نماز ادا کریں، ہفتے کو پیش آنے والا واقعہ دیگر ڈرائیورز کے لیے ایک سنجیدہ پیغام ہے کہ رواں ٹریفک کے قریب سڑک کے کنارے گاڑی کھڑی کرنا کتنا خطرناک ثابت ہو سکتا ہے۔’ایک اور پولیس افسر نے ٹوئٹر پر پیغام میں کہا کہ’سڑک کا کنارہ نماز کی ادائیگی کے لیے مناسب جگہ نہیں ہے اور اس سے نماز ادا کرنے والوں کی زندگی کو خطرہ لاحق ہو سکتا ہے۔
ایک نیوز ویب سائٹ کے مطابق حادثہ اس وقت پیش آیا جب ایک گاڑی کا ٹائر پھٹنے کے نتیجے میں وہ بے قابو ہو کر نماز ادا کرنے والوں پر چڑھ گئی۔ ویب سائٹ کے مطابق آٹھ افراد کا ایک گروپ مسجد کے باہر سڑک کنارے مغرب کی نماز ادا کر رہا تھا جب گاڑی ان سے ٹکرا گئی اور اس واقعے میں دو افراد ہلاک اور دیگر زخمی ہو گئے جن میں سے تین کی حالت تشویشناک ہے۔
خیال رہے کہ دبئی میں ٹریفک خلاف ورزیوں کے قوانین کو مزید سخت بنایا گیا ہے جس میں رفتار کی حد کی سنگین خلاف ورزی کی صورت میں 816 ڈالر کا جرمانہ شامل ہے۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…