’مولانا احتشام الحق کی شہادت سے سخت صدمہ ہوا‘

زاہدان/ تربت (سنی آن لائن): اہل سنت ایران کی ممتاز دینی شخصیت شیخ الاسلام مولانا عبدالحمید نے مولانا احتشام الحق اور ان کے بیٹے کے ہدفی قتل پر گہرے رنج و غم اور افسوس کا اظہار کرتے ہوئے ان کے اہل خانہ، تلامذہ اور متعلقین سے تعزیت کا اظہار کیا۔
یاد رہے صوبہ بلوچستان کے معروف عالم دین اور مفتی مولانا احتشام الحق بیٹے سمیت اتوار چوبیس جولائی کی شام کو ضلع کیچ میں آسیاآباد سے کلاہو جاتے ہوئے نامعلوم دہشت گردوں کی فائرنگ سے شہید ہوگئے۔
صدر دارالعلوم زاہدان اور خطیب اہل سنت کے تعزیتی پیغام میں آیاہے:

«إنا لله و إنا إلیه راجعون»
معصوم لوگوں کا قتل ایک بری حرکت ہے جو قابل مذمت ہے، لیکن اس فعل کی برائی و قباحت اس وقت دوگنا ہوتی ہے جب ایک عالم دین کی جان لی جائے۔
ممتاز اور مجاہد عالم دین، ’جامعہ رشیدیہ‘ آسیاآباد کے بانی و مہتمم مولانا مفتی احتشام الحق آسیا آبادی اور ان کے صاحبزادے کی شہادت کی خبر سن کر مجھے سخت صدمہ ہوا۔
مولانا احتشام الحق رحمہ اللہ اعلی پایہ کے محقق اور خیرخواہ عالم دین تھے جنہوں نے پاکستان، خاص کر بلوچستان کے عوام کو بڑی علمی خدمات کا تحفہ پیش کیا۔ مختلف فکری مسائل اور عقائد کے حوالے سے ان کی رہ نمائی نے حقیقت کے پیاسوں کو سیراب کیا۔
بندہ اس رنج و غم کے موقع پر مولانا احتشام الحق رحمہ اللہ کے اہل خانہ، رشتے داروں، طلبہ اور متعلقین سے تعزیت و ہمدردی کا اظہار کرتاہے اور ان کے غم میں برابر کے شریک ہے۔ اللہ تعالی سے دعا ہے اس عظیم عالم دین اور ان کے بیٹے کی مکمل مغفرت فرمائے اور پس ماندگان کو اجر و صبر سے نوازے۔

(مولانا) عبدالحمید
صدر دارالعلوم زاہدان – ایران
خطیب اہل سنت زاہدان

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago