سعودی عرب میں گذشتہ ایک ماہ کے دوران طائف اور قطیف شہروں میں کم سے کم 77 غیر ملکی باشندوں نے اسلام قبول کیا۔ طائف میں 66 اور قطیف میں 11 افراد دائرہ اسلام میں داخل ہوئے۔
العربیہ ڈاٹ نیٹ کے مطابق سعودی عرب کے شعبہ دعوت وارشاد کے باہمی تعاون سیکشن کے ڈائریکٹر ڈاکٹر محمد السواط نے بتایا کہ جمادی الاول میں مجموعی طورپر 77 غیرملکیوں نے اسلام قبول کیا۔
ڈاکٹر السواط کا کہنا تھا کہ دائرہ اسلام میں داخل ہونے والے شہری اسلامی تعلیمات اور اسلام کے اخلاق حسنہ سے متاثر ہوئے ہیں۔ ان میں سے ایک شخص سعودی عرب کے ایک اسپتال میں اسپتال عملے کے حسن سلوک سے متاثر ہو کر دائرہ اسلام میں داخل ہوا۔
القطیف کے رضاکار سینٹر کے ڈائریکٹر راشد بن سعید الھاجری نے بتایا کہ جمادی الاول میں مجموعی طورپر 1031 دعوتی وتبلیغی پروگرامات منعقد کیے گئے جن سے 11 ہزار 89 افراد نے استفادہ کیا۔ اس کے علاوہ 2800 دعوتی مراکز میں اسلامی تعلیمات سے متعلق لٹریچر تقسیم کیا گیا۔
العربیہ ڈاٹ نیٹ
"پابندیوں میں اضافہ"، "طویل جنگ" اور "پرانی پالیسیوں پر اصرار" ملک کو مزید بحرانوں کی…
لاہور ہائیکورٹ نے افغان میڈیکل طلبہ کو کالجز سے نکالنے کے خلاف درخواستوں پر تحریری…
مغرب میں انسانی حقوق کی جو تاریخ بیان کی جاتی ہے، اسکا آغاز عموماً میگنا…
مشرق وسطیٰ کے ممالک اپنا سیکیورٹی نظام بنائیں؛ چینی صدر بھی فلسطین کے حق میں…
مکہ دفاعی اتحاد خطے میں امن و استحکام کا ضامن ہے، ترک صدر اردوان