یمن میں بم دھماکے سے 7 افراد ہلاک، 11 زخمی

یمن میں کار بم دھماکے کے نتیجے میں 7 افراد ہلاک اور 11 زخمی ہوگئے۔
غیر ملکی خبر رساں ادارے کے مطابق یمن کے جنوبی شہرعدن میں کار بم دھماکے کے نتیجے میں 7 افراد ہلاک جب کہ 11 زخمی ہوگئے۔ دھماکے کے بعد امدادی ٹیموں نے زخمیوں کو فوراً قریبی اسپتالوں میں منتقل کیا جہاں بیشتر زخمیوں کی حالت تشویش ناک ہے۔ حکام کاکہنا ہے کہ دہشت گردوں نے  دھماکہ خیز مواد سے بھری گاڑی کو جنوبی شہرعدن کے سیکیورٹی سربراہ کے گھر کے باہر دھماکے سے اڑادیا تاہم حملے میں سیکیورٹی سربراہ محفوظ ہیں اور ابھی تک کسی بھی گروپ کی جانب سے حملے کی ذمہ داری قبول نہیں کی گئی ہے۔

ایکسپریس نیوز